Сэтинньи 23-25 күннэригэр Москваҕа, Гостинай двор диэн баараҕай комплекска, «Саха-Экспо» быыстапка-дьаарбаҥка тэрилиннэ. Быыстапкаҕа Саха сирэ аан дойдуга аатырар, аатырыахтаах ситиһиитэ барыта көрдөрүллэ сатаата. Ырыаттан-тойуктан, үҥкүүттэн-битииттэн саҕалаан, сир баайыгар тиийэ стендэлэр оҥоһулуннулар. Саха сирин РФ президенигэр бэрэстэбиитэлистибэтэ кыһанан-мүһэнэн республикабытын сэргиэх айылаах дьону, тэрилтэни элбэҕи муста. Онон биһиги тэрилтэлэрбит, правительствобыт балайда элбэх бииргэ үлэлиир илии охсуһуутун түһэристилэр.
***
"Саха-Экспо" быыстапкаҕа «Инвестиции. Инфраструктура. Индустрия» павильоҥҥа Саха сиригэр үлэлиир хампаанньалар – «РИК», «АЛРОСА», «Сахатранснефтегаз» ААОлар, «Мечел Майнинг», Саха сирин соҕуруу өттүн сайыннарыахтаах корпорация онтон да атын тэрилтэлэр стендэлэрин туруордулар. Саха сирин биир саамай тутаах кыһалҕата - суол-иис. Туох баар уустук дьыала төрдө айан ырааҕар, мөлтөҕөр тиийэн иҥнэр. Сөмөлүөт - сыаналааҕын ааһан айылҕабыт муокаһыттан эмиэ тутулуктаах. Сиринэн айан, этэргэ дылы, таҥара билиитигэр баар, бүгүн баар, сарсын суох. Онон кылгас сайыммытыгар уу суола эрэ сүрүн таһаҕаһы тиэйэр-аҕалар соҕотох тырааныспар көрүҥэ эрэ буолар. Хаһан төгүрүк сылы быһа айанныыр суол-иис, муоста-күргэ тутуллуор диэри (ол кэмэ өссө да ыраах) иннибитигэр-кэннибитигэр уктарбыт Ленатааҕы өрүс пароходствотын холбоһуга буолар.
***
Чуолаан, "ЛОРП" ААО стендэтигэр элбэх дьон муһунна. Саха сиригэр үлэлиир хампаанньалар таһаҕастарын ЛОРП таһар, ол иһин кэнэҕэс кэлиэхтээх тэрилтэлэр пароходство үлэтин-хамнаһын ыйыталастылар.
"ЛОРП" ААО генеральнай дириэктэрэ Сергей ЛАРИОНОВ РФ миниистирин көмөлөһөөччүтүн - Дмитрий ТВАРДОВСКАЙЫ кытары пароходство инвестицияланар программатын дьүүллэстилэр диэн, пресс-сулууспа салайааччыта Алла БУШЕВА кэпсиир. 2015 сылга саҥа техническэй регламент олоххо киириэхтээх, онон флот хайаан да саҥардыллыахтаах.
ЛАРИОНОВ этэринэн, Жатайга суднолары тутар-өрөмүөннүүр собуоту үлэлэтэн Экономика Ураты Зонатыгар (ЭУЗ) киллэриэххэ наада. Бастатан туран, үлэ миэстэтэ тахсар. Иккиһинэн, судноны атын регионтан атыылаһыахтааҕар бэйэбит оҥорорбут быдан барыстаах. Үсүһүнэн, Россия атын регионнарыгар өҥө көрөн эбии үп-харчы киллэриэххэ сөп.
ЛОРП генеральнай дириэктэрин солбуйааччыта Александр СОРОКИН, Саха сиригэр ньиэп уонна кураанах таһаҕаһы аҕалар хампаанньалар салалталарын көрүстэ. Холобурга диэн эттэххэ, «Атомстроймонтаж» хампаанньа ЛОРП устар аалларынан Билибинскэйдээҕи АЭСкэ таһаҕас таһар. Онтун эүиил саас эмиэ салгыыр былааннааҕын СОРОКИННЫЫН кэпсэттилэр.
Биирдиилээн предпринимателлэр ЛОРП таһаҕас таһар тарыыбын сурастылар, хампаанньаҕа быһа таҕыстахтарына тарыыптара быдан чэпчиирин билэн хас да дуогабар түһэристилэр. Айан орускуота түстэҕинэ, табаар да биллэ чэпчиир буоллаҕа.
***
Үлэ-хамнас таһынан, Москва олохтоохторо ЛОРП өрүһүнэн күүлэйдэтэр салаатын сэргээтилэр. "Өлүөнэ очуостара" паарка ЮНЕСКО билиниитин ылбытын кэннэ, айылҕа дьиктитин көрүөн баҕалаах турист элбиирэ сэрэйиллэр. Онон туристары сынньатар-аралдьытар "Ленатурфлот" үлэтэ тахсыыланыан сөп. Сайын бу тэрилтэнэн сынньанан кэлбит дьон астара-үөллэрэ дэлэйин, программалара киэҥин хайҕыыллар. Онтуларын өссө сайыннарыахтарын, кэҥэтиэхтэрин наада.
***
"Саха-Экспо" быыстапка республика тэрилтэлэрин сайдыыларыгар күүс-көмө буоллар ханнык диэн баҕа санаалаахпыт. Түгэни мүччү туппакка, кэлэн-баран, кэпсэтэн-дуогабардаһан Сахабыт сирэ байылыат олоҕун түстүүр бэйэбититтэн тутулуктаах диэн быыстапкаҕа кыттыбыт республика тэрилтэлэрин салайааччылара этэллэр.
Диана ПЕТРОВА,
Аартык.ру.
"Саха-Экспо" быыстапкаҕа «Инвестиции. Инфраструктура. Индустрия» павильоҥҥа Саха сиригэр үлэлиир хампаанньалар – «РИК», «АЛРОСА», «Сахатранснефтегаз» ААОлар, «Мечел Майнинг», Саха сирин соҕуруу өттүн сайыннарыахтаах корпорация онтон да атын тэрилтэлэр стендэлэрин туруордулар. Саха сирин биир саамай тутаах кыһалҕата - суол-иис. Туох баар уустук дьыала төрдө айан ырааҕар, мөлтөҕөр тиийэн иҥнэр. Сөмөлүөт - сыаналааҕын ааһан айылҕабыт муокаһыттан эмиэ тутулуктаах. Сиринэн айан, этэргэ дылы, таҥара билиитигэр баар, бүгүн баар, сарсын суох. Онон кылгас сайыммытыгар уу суола эрэ сүрүн таһаҕаһы тиэйэр-аҕалар соҕотох тырааныспар көрүҥэ эрэ буолар. Хаһан төгүрүк сылы быһа айанныыр суол-иис, муоста-күргэ тутуллуор диэри (ол кэмэ өссө да ыраах) иннибитигэр-кэннибитигэр уктарбыт Ленатааҕы өрүс пароходствотын холбоһуга буолар. ***
Чуолаан, "ЛОРП" ААО стендэтигэр элбэх дьон муһунна. Саха сиригэр үлэлиир хампаанньалар таһаҕастарын ЛОРП таһар, ол иһин кэнэҕэс кэлиэхтээх тэрилтэлэр пароходство үлэтин-хамнаһын ыйыталастылар.
"ЛОРП" ААО генеральнай дириэктэрэ Сергей ЛАРИОНОВ РФ миниистирин көмөлөһөөччүтүн - Дмитрий ТВАРДОВСКАЙЫ кытары пароходство инвестицияланар программатын дьүүллэстилэр диэн, пресс-сулууспа салайааччыта Алла БУШЕВА кэпсиир. 2015 сылга саҥа техническэй регламент олоххо киириэхтээх, онон флот хайаан да саҥардыллыахтаах. ЛАРИОНОВ этэринэн, Жатайга суднолары тутар-өрөмүөннүүр собуоту үлэлэтэн Экономика Ураты Зонатыгар (ЭУЗ) киллэриэххэ наада. Бастатан туран, үлэ миэстэтэ тахсар. Иккиһинэн, судноны атын регионтан атыылаһыахтааҕар бэйэбит оҥорорбут быдан барыстаах. Үсүһүнэн, Россия атын регионнарыгар өҥө көрөн эбии үп-харчы киллэриэххэ сөп.
ЛОРП генеральнай дириэктэрин солбуйааччыта Александр СОРОКИН, Саха сиригэр ньиэп уонна кураанах таһаҕаһы аҕалар хампаанньалар салалталарын көрүстэ. Холобурга диэн эттэххэ, «Атомстроймонтаж» хампаанньа ЛОРП устар аалларынан Билибинскэйдээҕи АЭСкэ таһаҕас таһар. Онтун эүиил саас эмиэ салгыыр былааннааҕын СОРОКИННЫЫН кэпсэттилэр.
Биирдиилээн предпринимателлэр ЛОРП таһаҕас таһар тарыыбын сурастылар, хампаанньаҕа быһа таҕыстахтарына тарыыптара быдан чэпчиирин билэн хас да дуогабар түһэристилэр. Айан орускуота түстэҕинэ, табаар да биллэ чэпчиир буоллаҕа.
***
Үлэ-хамнас таһынан, Москва олохтоохторо ЛОРП өрүһүнэн күүлэйдэтэр салаатын сэргээтилэр. "Өлүөнэ очуостара" паарка ЮНЕСКО билиниитин ылбытын кэннэ, айылҕа дьиктитин көрүөн баҕалаах турист элбиирэ сэрэйиллэр. Онон туристары сынньатар-аралдьытар "Ленатурфлот" үлэтэ тахсыыланыан сөп. Сайын бу тэрилтэнэн сынньанан кэлбит дьон астара-үөллэрэ дэлэйин, программалара киэҥин хайҕыыллар. Онтуларын өссө сайыннарыахтарын, кэҥэтиэхтэрин наада.
***
"Саха-Экспо" быыстапка республика тэрилтэлэрин сайдыыларыгар күүс-көмө буоллар ханнык диэн баҕа санаалаахпыт. Түгэни мүччү туппакка, кэлэн-баран, кэпсэтэн-дуогабардаһан Сахабыт сирэ байылыат олоҕун түстүүр бэйэбититтэн тутулуктаах диэн быыстапкаҕа кыттыбыт республика тэрилтэлэрин салайааччылара этэллэр.
Диана ПЕТРОВА,
Аартык.ру.