Нэһилиэктэри кытта үлэ күүһүрүөҕэ
Пятница, 23 Ноября 2012 17:37
Кэлэр сыл республикаҕа Тыа сирин сылынан биллэриллибитинэн сибээстээн, Булуҥ улууһун баһылыга Константин Шахурдин улуус нэһилиэктэрин олохторун-дьаһхтарын сүрүннүүргэ, проблемалары быһаарарга көдьүүстээх өйөбүлү оҥороллоругар анаан улуустааҕы дьаһалта аппараатын үлэһиттэрин нэһилиэктэринэн аттаран анаата.
Тустаах салайааччылар анаммыт нэһилиэктэригэр СР Президенэ Егор Борисов тыа сирин сайыннарыыга туһаайбыт уурааҕын олоххо киллэрэргэ көмөлөһүөхтэрэ. Ону сэргэ баһылык дьаһаллара кэмигэр туоларын хонтуруоллуохтара, бэрэстэбиитэллээх уорганнар депуттаттарыгар методическай көмөнү оҥоруохтара.
Онон, улуус дьаһалтатын баһылыга нэһилиэктэри кытта дьаһалта үлэһиттэрин көмөтүнэн ыкса сибээс олохтуоҕа.
Елена ПОТОЦКАЯ.