"СахаВУД" - 4 бытыылка буоккаҕа...
Воскресенье, 18 Ноября 2012 21:12Сэтинньи 18 күнүгэр, "НТВ" телеканаал "Итоговая программа" нэдиэлэ түмүгүнэн сонуннары кэпсиир киэһээҥҥи биэриигэ - Саха сирин киинэтин "уопутун" туһунан сюжеты көрдөрдүлэр. "НТВ" коммерческэй телевидение, онон хас биирдии "сэҥээриллиэхтээх" сюжет төлөбүрдээх буолара сэрэйиллэр.
Сюжет бастаан Константин ТИМОФЕЕВ "Паранормальный Якутск" киинэтэ уһуллубут кэпсээниттэн саҕаланна. Костя 60 000 солкуобай бюджеттаах киинэтэ прокатка 2 мөл. солк. өлөрбүт диэн буолла. "ДетСАТ" уолаттара устубут "Көҥүл боотурдара", онтон соторутааҕыта прокатка тахсан бүппүт "Герой 2" киинэлэр тустарынан кэпсэннэ. Хаачыстыбата, тыаһа-ууһа" самодеятельнай" таһымҥа сыаналанна. Саха киинэтин билбэт киһи"бу омуктар сордоохтор профессиональнай кинематография диэн тугун билбэттэр даҕаны эбит" диэн түмүгү оҥордоҕо буолуо.
Биир өттүнэн, оттон национальнай киинэ устар - "Сахафильм" диэн концерннаах буолбатах этибит дуо? Монакоҕа тиийэ бириэмийэ ылар киинэни устар сурахтаахтара дии? Онтуларын барытын бу сюжетынан сотон таһаардылар. Бэл, духуобунай сайдыы уонна култуура миниистирэ Андрей БОРИСОВ "хлопушка" диэн тугун билбэт эбит диэтэхтэрэ. Оннук дьон, биллэн турар, "прокатка проваллыыр" киинэни бюджет суотугар уһулаллара чуолкай.
***
Сюжет түмүгэ букатын даҕаны саха киинэтин сотон кэбистэ. Ой (Нөмүгү) оскуолатын учуутала Прокопий НОГОВИЦЫН сахалар киинэ устар "уопуттарын" ыһа-тоҕо дойду үрдүнэн үллэһиннэ:
- Түөрт бытыылка буокка ылбыппыт, биир күн киинэ уста охсон баран, буоккабытын иһэн баран тарҕаспыппыт, - диэн.
...Буоллахпыт. Учуутал буолуо үһү, бытыылканы тас гыннара сылдьыа үһү, өссө Бастакы президент оҕо сааһын туһунан киинэ устуо үһү...
***
Ким, төһө өр көстүбүтүнэн сылыктаатахха, сюжет устар "НТВ" журналистарын "ДетСАТ" уолаттара, билигин "Сахафильм" дириэктэрдэрэ дуу, продюсердара дуу - Шадриннаах, Егоров (Шандор, Өркөн) аҕалтаабыттар быһыылаах. Биллэн турар, ону Култуура уонна духуобунай сайдыы министиэристибэтэ уйуммут буолуохтаах. Гордума оһуохайдьыт депутата Александр ДАНИЛОВ көстүбүтүнэн сылыктаатахха, кини эмиэ бу сюжет үбүлээһинигэр эмиэ кыттыспыт буолуон сөп.
Черномырдин бокуонньук эппитинии - "үчүгэйи баҕарбыттара, син биир үгэс курдук" таҕыстаҕа. Саха киинэтин пиардаабыттара, төттөрү түһэрии буолла. Дьэ, сор диэтэҕиҥ...
***
Аартык.ру
Комментарии
О трезвости сокуону хайаан да ылыахха наада. Арыгыны атыылыыр кэми куускэ хаарчахтыахха уонна анал магаьыыннарга эрэ атыылаатыннар!