Айдаан төрүөтэ, бу сайын "Азия оҕолоро" онньуутугар тахсыбыта. Онно улахан тэрээһин аһыллар оонньуутугар Егор МАКАРОВ устубут киинэтиттэн быһа тардыылар туһаныллыбыттара. Атын кэм, атын дьон эбиттэрэ буоллар, хата үлэбитин аан дойдуга көрдөрдүлэр диэн киэн туттан уос номоҕо оҥостуохтара эбитэ буолуо. Ону үйэ уларыйан "ааптар быраабын кэстилэр" диэн суукка үҥсэн саат куттарыытын ылар мөккүөрдээх Егор МАКАРОВ бу киэһээ суруналыыстарга суут бириигэбэрин кытары билсиһиннэрэр санаалаах.

Санатар эбит буоллахха, Егор МАКАРОВ рестораннаах, ыраас уунан эргинэр атыыһыт киһи. Бэйэтэ аан дойдуну кэрийэн хайаҕа хатаастар аралдьыйар хоббилаах. Ону таһынан хаартыскаҕа, киинэҕэ сылдьыбыт сырыытын түһэрэр идэлээх. МАКАРОВ "Саха сылгыта" диэн документальнай киинэтин  быһа тардыытын ааптар көҥүлэ суох "Азия оҕолоругар" туттубуттарыттан улаханнык кыйахаммыт. 20-ттэн тахса сылы быһа Култуура миниистиринэн үлэлиир Андрей БОРИСОВЫ утарар култуура үлэһиттэрин чөмөҕө бу айдааны кыынньаан биэрбит быһыылаахтар. Онон бизнесмен дьоһуна таарыллан "бөө" диэн турдаҕа.

Аартык.ру