Сокуон быһыытынан, норуот депутата ситэриилээх былаас уорганыгар үлэлиэ суохтаах. Нам быыбардыыр уокуругуттан Ил Түмэҥҥэ депутат Ньургун ТИМОФЕЕВ бу сайын от ыйын 14 күнүгэр президент Егор БОРИСОВ уурааҕынан президент СҮБЭҺИТИНЭН анаммыта. Онтон ый ааспытын кэннэ - атырдьах ыйын 14 күнүгэр 1593№-дээх уурааҕынан, Президент иһинэн үлэлиир Алмаас сүбэтин председателинэн анаммыта. Билигин депутат ситэриилээх былааска икки дуоһунастанан таҕыста.
"Аартык.ру" биллэрбиттэринэн, ТИМОФЕЕВ бу икки дуоһунаһыттан биирэ хамнастаах - Алмаас сүбэтин председателэ. Оттон Президент сүбэһитинэн босхо үлэлиир диэн эттилиннэ. Онон ситэриилээх былаас уорганыгар хамнастанан үлэлиирин быһыытынан, Ньургун ТИМОФЕЕВ депутат мандаатын төннөрүөхтээх. Ол хаһан буоларын Ил Түмэн Мандаакка уонна регламеҥҥа комитета (салайааччы Руслан ПЛАТОНОВ) быһаарыахтаах.
Аартык.ру
Комментарии