Аны, Ньургун ТИМОФЕЕВ "полномочията" саарбахтанна...
Пятница, 05 Октября 2012 21:37
Таһырдьа күһүҥҥү нуһараҥ, политикаҕа сүпсүлгэн саҕаланна.
"Аартык.ру" интернет-хаһыакка киирбит сонун бэрт интэриэһинэй буолла: 24 №-дээх Нам быыбардыыр уокуругуттан Ил Түмэҥҥэ депутат Ньургун ТИМОФЕЕВ мандаатын болдьоҕун иннинэ туура тутар кэпсэтиилэр тахсан эрэллэр.
"Аартык.ру" интернет-хаһыакка киирбит сонун бэрт интэриэһинэй буолла: 24 №-дээх Нам быыбардыыр уокуругуттан Ил Түмэҥҥэ депутат Ньургун ТИМОФЕЕВ мандаатын болдьоҕун иннинэ туура тутар кэпсэтиилэр тахсан эрэллэр.
Ньургун Семенович ТИМОФЕЕВ бу сайын от ыйын 14 күнүгэр Саха республикатын Президенин сүбэһитинэн анаммыта. Наар оппозицияҕа сылдьыбыт депутат (сорохтор этэллэринэн - харах баайыыта оҥорон) былааска чугаһатыллыбыт төрүөтүн ырытан үгүс тыл-санаа тарҕаммыта.
Биир өттүнэн, киинтэн "АЛРОСА" АК акциятын приватизациялата сатыыр хамсааһыннар күүһүрбүттэрин иһин, алмаас промышленноһыгар өр сыл үлэлээбит Ньургун ТИМОФЕЕВ уопутугар биһиги салалтабыт наадыйбыт буолуон эмиэ сөп.
Президент сүбэһитэ - хамнастаах үлэ. Ситэриилээх былааска уонна сокуону оҥорор былааска тэҥинэн үлэлиир сокуонунан көҥүллэммэт. Ол иһин Ньургун ТИМОФЕЕВ депутат быһыытынан полномочиятын устар туһунан кэпсэтии күөдьүйбүт.
***
Ньургун ТИМОФЕЕВ 1996 - 2005 сс.. - Москваҕа "АЛРОСА" АК тааһы батарар тэрилтэтин солбуйар генеральнай дириэктэринэн үлэлээбитэ. 2005 - 08 сылларга Ил Түмэн бэрэссэдээтэлинэн талыллан үлэлээбитэ.
Кини иннинэ парламент спикерэ Николай СОЛОМОВ этэ, кини кэнниттэн - Виталий БАСЫГЫСОВ.
Аартык.ру
Комментарии