Афанасий МАКСИМОВ кинигэ суруйа сылдьар
Четверг, 04 Октября 2012 10:09
Ил Түмэн дьокутаата Афанасий МАКСИМОВ бириэмэтин хаайыыга халтай атаарбатын туһунан адвоката этэр. Афанасий Николаевич Саха сирин гааһын промышленноһыгар үлэлээбит уопуттаах салайааччы буоларын быһыытынан уонна политикаҕа күүскэ эриллибит киһи, республика ньиэбин-гааһын промышленноһын туһунан бэрт аһаҕас кинигэни суруйа сылдьар.
Дьокутаат кинигэтин бастакы сүрүн түһүмэҕин суруйан бүппүтүн тиэрдэр "уонна атын темалар бэйэлэриттэн бэйэлэрэ сиэттэрэн тахсан иһэллэр" диир.
Афанасий МАКСИМОВ кинигэтэ бестселлер буолуоҕа диэн эрэнэбит.
Бүтэһик сылларга тахсыбыт политическай быһаарыылар уонна общественнай хамсааһыннар кэтэх өттүлэрин ааҕааччы киэҥ араҥата билиэҕэ дии саныыбыт. Кимнээх, тоҕо, туохха, төһөҕө Саха сирин баайын кимнээххэ туран биэрбиттэрэ ааттаныаҕа.
Аартык.ру