Бу сайын атырдьах ыйыгар Тутааччы күнүн бэлиэтии сылдьыбыт уонча армян икки саха эдэр полицейскайдарын кырбаабыттарын туһунан "ААРТЫК.ру" суруйан турар. Бу быһылаан күрүлүүр күнүс дьон көрөн турдаҕына тахсыбыт. Сүрдээх быһыыны "Саха сирэ" хаһыат суруналыыһа Вера МАКАРОВАҔА кэпсээбэтэхтэрэ эбитэ буоллар дьон-сэргэ истиитигэр тахсыа да суох эбит.
Хаһыат күүһэ аныгы обществобытыгар кумаар дыыгыныырыгар да холоммот буолбута сүрдээх. полицейскайдары утары сутуругунан түспүт гастарбайтердар туох да дьарыллыыны ылбатылар. Вера МАКАРОВА сайыны быһа хас күн ахсын тустаах уорганнарга төлөпүөнүнэн эрийэн "хайа, холуобунай дьыала тэрилиннэ дуо" диэн хал буолуохтарыгар диэри сураһа сатаабыт... Тэриллибэтэх.