Бу маннык сценарийдаах буруйдааһын СР Ыччатын политикатын миниистиринэн үлэлии сылдьыбыт Алексей ЕРЕМЕЕВКА ала-чуо туһанылынна.
Ыччат миниистирэ Алексей Еремеевы утары холуобунай дьыала 4 сылы быһа тэриллибитэ. Былырыын бэс ыйын 7-гэр Дьокуускай куорат суута Еремеевы 7 сылга күлүүс хаайыытыгар уураахтан элбэх дьону уолуппута. Ол бириигэбэр өрөспүүбүлүкэ Үрдүкү суутугар көтүрүллэн, саҥаттан бастакы сүһүөх суукка утаарыллан көрүллэн, быйыл саас кулун тутарга "буруйтан босхолуурга" диэн уурааҕынан түмүктэммитэ. Прокуратура Үрдүкү суукка ол уурааҕы утаран үҥсэн баран хотторбута. Алексей Еремеев уонна Павел Семенов кырдьыктарын дакаастаан кыайбыттара, туох баар буруйтан босхоломуттара.
4 сылы быһа сымыйанан дьыала тэрийэн ааты-суолу, үлэни-хамнаһы алдьатыы тустаахха ынырык буоллаҕа. Дьиэ кэргэнэ, дьоно төһөлөөх эрэ оҕустардылар.
Бастаан утаа, Дьокуускай суутун судьуйата Сардаана Тарасова Еремеевтаах Семеновы буруйдарын уһулар бириигэбэри таһаарбытыгар, ол үөрүүтүгэр буолан саат куттарыытын туһунан саныы да барбатах буолуохтаахтар. Онтон син уоскуйан, сымыйанан 4 сылы быһа эккирэппиттэрин абакката ситэн, бу сайын Алексей Еремеев уонна Павел Семенов прокуратураттан саат куттарыытын көрдөөн суукка үҥсүбүтттэрэ.
Суут бастакы дьүүлэ атырдьах ыйыгар тахса сатаабыта да, прокуратура үлэһитэ кэлбэтэҕиттэн, бүгүн, балаҕан ыйын 6-гар көһөрүллүбүтэ. Ол гынан баран бу да сырыыга прокурор суох. Онон эмиэ суут буолбата.
Алексей Еремеев саат куттарыытын 5 мөл. солк., онтон Павел Семенов 3 мөл. солк. көрдөөбүттэр.
Еремеев билигин кыралаан ХИФУга чаас биэрэр эбит. Сурах быһыытынан эттэххэ, кинини ситэриилээх былаас уорганыгар үлэҕэ ыҥырбыттар. Алексей Ильич, Аартык.ру интернет-порталга ол сурах олохтооҕун бигэргэттэ уонна сөбүлэһэрин-сөбүлэспэтин толкуйдуу сылдьарын туһунан этэр.
Хайыаҕай, кэһэкэнэ оҥорбуттара бэрдэ сыттаҕа. Төһөнөн үрдүк дуоһунас да, охторго ыарыылаах.
***
Еремеев Үрдүкү суукка ааһыныыта үтүө түмүгү аҕалбытын кэннэ, бииртэн биир "коррупционнай чиновник" дьыалата хаарты дьиэтинии сууллан саккыраата.
Билигин атын сиэртибэни көрдөөһүн саҕаламмытын туһунан кэпсииллэр. Кими саана, саантыы сылдьалларын сотору кэминэн билиэхпит. Ол киһи хайаан да олохтоох омук буолара сэрэйиллэр.
Туйаара НУТЧИНА.
Еремеев билигин кыралаан ХИФУга чаас биэрэр эбит. Сурах быһыытынан эттэххэ, кинини ситэриилээх былаас уорганыгар үлэҕэ ыҥырбыттар. Алексей Ильич, Аартык.ру интернет-порталга ол сурах олохтооҕун бигэргэттэ уонна сөбүлэһэрин-сөбүлэспэтин толкуйдуу сылдьарын туһунан этэр.
Хайыаҕай, кэһэкэнэ оҥорбуттара бэрдэ сыттаҕа. Төһөнөн үрдүк дуоһунас да, охторго ыарыылаах.
***
Еремеев Үрдүкү суукка ааһыныыта үтүө түмүгү аҕалбытын кэннэ, бииртэн биир "коррупционнай чиновник" дьыалата хаарты дьиэтинии сууллан саккыраата.
Билигин атын сиэртибэни көрдөөһүн саҕаламмытын туһунан кэпсииллэр. Кими саана, саантыы сылдьалларын сотору кэминэн билиэхпит. Ол киһи хайаан да олохтоох омук буолара сэрэйиллэр.
Туйаара НУТЧИНА.