203-с кыбаартал тутуутугар общественность туруорсуута

Среда, 08 Августа 2012 12:48
Оцените материал
(0 голосов)
Бэҕэһээ ааспыт Дьокуускай куорат саҥа кыбаарталын тутуутугар анаммыт  публичнай  истиигэ, общественность санаатын көҕүлүүр бөлөх хас да чопчу этии киллэрбитэ. Ол:
 
  1. “Сахапроект” ААО туох да сүүмэрэ, куонкурса суох 203-с кыбаартал тутуутун оҥорбут билиҥҥи бырайыагын бигэргэппэккэ.
  2. СР Баайга-дуолга уонна сир сыһыаннаһыыларыгар министерствотын, СР Архитектураҕа уонна тутуу комплексыгар министерствотын нөҥүө Республика Правительствота “РДР-Групп” ХЭТ кытары эбии сөбүлэҥ түһэрсиэхтээх. Онно ыйыахтаах:
2.1  Хас да тэрилтэлэри кытыннаран, 203-с кыбаартал тутуутугар  үстэн итэҕэһэ суох  бырайыак былаана оҥотторуоххайыҥ. Онтон биир тупсаҕайын талан ылан саҥа түөлбэни туттарыаҕыҥ.
2.2  Үөрэх хаачыстыбата үрдүүрүн туһугар, 1000-ттан тахса миэстэлээх, баараҕай оскуола оннугар икки дьоҕус 700-түү миэстэлээх 2 оскуола тутуллуохтаах.
2.3  Саҥа кыбаарталга искусство, култуура, ыччат кииннэрэ баар буолуохтаахтар.
  1. Республика Правительствота уонна киин куорат дьаһалтата, саҥа кыбаартал тутуута саҕаланна даҕаны, хас биирдии дьиэҕэ сууллар, эргэ дьиэлэри сыһыартаан кэбиһиэх тустаахтар. Ол испииһэги бэчээккэ таһааран общественноһынан хонтуруоллатарга.
  2.  “Дьокуускай к. 203-с микрорайонун былаанын бырайыага” куорат атын тутуллар, билин баар кыбаарталларын кытары тэҥҥэ дьүөрэлэһиэхтээх.
  3. Дьокуускайга “Эргэ куорат” баар буоллаҕына, “Аныгы куорат” эмиэ баар буолуохтаах: энергияны харыстыыр аныгы технологияны хото туһаныахха.  
  4. Социальнай объектар (дьыссаат, оскуола, спорт объектара, парка о.д.а.) тутуллар былааннарын хаттаан көрүөххэ.
  5.  Ыччат сынньанар, дьарыктанар, сөтүөлүүр , онтон да атын дьон тоҕуруһар сирин архитектурата национальнай тыыннаах, ураты историчскай суолталаах буолуохтаахтар.
  6. 16 этээстэн үрдүк дьиэлэр тутуллуо суохтаахтар.  Бырайыакка 24 этээстээх 152 кв. м иэннээх олорор дьиэ былааннана сылдьар.
  7. 112 сериялаах дьиэлэр микрорайон ис өттүгэр тутуллуохтаахтар.
  8. Гаражтар бары сир анныгар тутулуннуннар.
  9. Бу общественность киллэрбит этиилэрин Саха Республикатын Президенигэр Егор Афанасьевич БОРИСОВКА ыытыаххайыҥ уонна 203-с кыбаартал тутуллар бырайыага тупсарыгар көмө-тирэх буоларыгар, общественность санаатын өйүүрүгэр  көрдөһүөҕүҥ.
 
Көҕүлүүр бөлөх. 

Добавить комментарий

Защитный код
Обновить

Aartyk.ru