Сиэрэй куорат суох буоллун, национальнай дьиэлэрдээх куорат туругурдун!

Пятница, 03 Августа 2012 09:22
Оцените материал
(2 голосов)
Кунду редакция дорооболоруҥ!
Мин эбэм этэрин тойоннорго этиэхпин баҕарабын. Мин 8 кылааска үөрэнэбин. Аатым Лена диэн. Эбээ Дьэбдьиэ этэрин этээри эһиэхэ суруйабын. Мин эбээм уруккута учуутал уонна партияҕа үлэлээбит. Пенсияҕа тахсан баран Дьокуускайга биһиэхэ олорор. Мин эбээбин наһаа таптыыбын уонна кини мин саамай бастыҥ подругам. Эбээм хаһыаты ааҕарын олус таптыыр. Мин эбээм «Азия оҕолорун» оонньууларын олус таптыыр уонна наар М.Е.Николаевы хайгыыр. Бу оонньуулары ыыппытын иһин диир.
Бэҕэһээ эбээм «Туймаада уоттара» хаһыаты ылан аахпыт. Уонна мин ааппыттан суруй диир.  Тоҕо диэтэххитинэ мин «Азия оҕолоругар» волонтердаабытым. Онно мин эбэм сүбэтинэн үлэлээбитим. Омук оҕолорун кыттта сырыттаххына сайдыаҥ диэбитэ эбэм ол иһин. Ол хаһыакка биир киһи куораппыт туһунан суруйбут. Эбэм этэринэн саамай сөпкө  суруйбут. Мин эбэм уруккуттан инньэ диир этэ. Национальнайдык тутуллубут дьиэлэрэ суох, сиэрэй дьиэлэрдээх куораппыт диир. Кини эдэр эрдэҕиттэн наар омук сиригэр күүлэйдээн кэлэрэ. Элбэх баҕайы альбомнаах. Онно араас дойдуларга сылдьыбыт хаартыскалара бааллар. Кини омук дойдуларын куораттара кыраһыабайдарын,  омуктарын атынын көрдөрөр тутуулааҕын кэпсиир наар. Мин эһэм тутааччы уһу. Кини  билигин суох. Эһэм наар тойоннуу сылдьыбыт. Элбэх дьиэни дэриэбинэлэргэ туппута. Мин эбээм тойоннорго куоракка сахалыы дьиэлэри тутуохтарын наада диэн этэн суруй диир. Тоһо диэтэргин, биһиэхэ эмиэ «Азия оҕолорун  оонньууларын» оҕолоро этээччилэр. Эһиги куораккыт үчүгэй гынан баран национальнай дьиэлэрэ суохтар диэн. Мин кинилэргэ тимир хомус, мас чороон баар диэн  эппитим. Ону кинилэр соччо сэҥээрбэтэхтэрэ. Хата «Тадж Махал» тас өттүн сөбүлээбиттэрэ. Хаартыскаҕа түһүөхтэрин баҕарбыттара да, онно автобус тохтооботох. Мин эмиэ эбэм курдук саныыбын. Тоҕо биһиги куораппыт сахалыы дьиэлэрэ суоҕуй диэн.
Оччоҕо «Азия оҕолорун оонньууларын» оҕолоро өссө биһиги куораппытын сөбүлүөхтэрэ этэ уонна өссө кэлиэхтэрин баҕарыахтара этэ диэн саныыбын. Мин улааттахпына дизайнер буолуом эбэтэр архитектор уонна куораппар сахалыы дьиэлэри элбэтиэм этэ. Оччоҕо аан дойдуга саамай таптыыр, ахтар Дьокуускайым тупсуо, киэргэйиэ. Омук оҕолоро, дьонноро биһиги куораппытын эмиэ таптыа, олохсуйуо этилэр. Оччоҕо Дьокуускайбыт аан дойдуга бэйэтин ураты архитектуратынан аатырыа, туристары аҕалыа этэ дии саныыбын. Ол син-биир хаһан эмэ буолуо диэн итэҕэйэбин. Сиэрэй дьиэлэрдээх куорат суох буоллун. Национальнай дьиэлэрдээх куорат туругурдун! Папам мин сурукпун ааҕан баран эһиги аадырыскытыгар ыыт диэтэ. Ол иһин эһиэхэ ыыттым. Баһыыбаларын.  

Эҕэрдэни кытта Лена Павлова, Дьокуускай куорат, 7 кылаас үөрэнээччитэ.
 

Добавить комментарий

Защитный код
Обновить

Aartyk.ru