Кристина ТИМОФЕЕВА «Чемпионат.com» биэрбит интервьюта

Среда, 01 Августа 2012 11:23
Оцените материал
(0 голосов)
Олимпиадаҕа Россия оҕунан ытыыга Ксения Перова, Кристина Тимофеева уонна Инна Степанова полуфиналга эрэллээхтик тахсан баран, финалга биир хардыы хаалбытын кэннэ, Кытай кыргыттарыгар биир очконан хоттордулар. Онтон боруонса мэтээл иһин Японецтары кытары киирсэн баран эмиэ хкыайтардылар. 
Биһиги кыыспыт - Кристина Тимофеева сыалын-соругун толордо дии санаатыбыт. Бу үс кыыстан саамай эриэ-дэхси үчүгэйдик кини эрэ ытта. 
"Саха сирэ" сайтыгар «Чемпионат.com» корреспондена охчут Кристина Тимофееваны кытта кэпсэппитин тылбаастаан туруорбуттар:
 
— Кристина, мэтээлгэ тиксиэххитин бэрт кыранан хааллыгыт...
— Кырдьык оннук. Ол аата тугу эрэ ситэ оҥорботубут. Ол гынан баран,  Олимпиадалар өссө да буолуохтара. Онно биһиги хайаан да кыттыахпыт уонна бастыҥ буоларбытын дакаастыахпыт.
— Боруонса иһин Япония кыргыттарын кытта киирсиигэ кинилэри баһыйар кыахтаах этигит.Туох мэһэйдээтэ?
— Тоҕо маннык буолбутун бэйэм да сатаан санаабаппын... Биллэн турар, син эмиэ атын спортсменнар курдук, олус долгуйбуппут, тоҕо диэтэххэ киирсии Олимпиада мэтээлин туһугар этэ буоллаҕа... Тоҕо табыллыбатаҕын – тренердэрбитин кытта ырытыахпыт. Кылаабынайа – кэскилбит иннибитигэр уонна туохха дьулуһарбытын билэбит.
— Боруонса иһин киирсиигэ тиийиэхпит дии санаабыккыт дуо?
— Финалга тиийиэхпит диэн былааннаабыппыт. Ол гынан баран, онно тахсарга биир очко, оттон боруонсаны ыларга — икки тиийбэтэ. Бу олус абалаах. Кыайар,үчүгэйдик кыттар кыахтаах этибит. 
— Крикетнэй стадиоҥҥа күрэхтэһиигит туһунан туох санаалааххыт?
— Бу наһаа улахан оруола суох. Биһиги ардах түһэригэр уонна трибунаттан хаһыыга улаханнык кыһаммаппыт, тоҕо диэтэххэ, бу биһиги үлэбит буолар. Ытар кэмҥэр тула туох буоларыгар болҕомтоҕун уура сатаабаккын.  
— Атын күрэхтэһиилэртэн Олимпиада туох уратылааҕый?
— Көннөрү  турнирдарга ыалдьааччылар аҕыйах буолаллар. Маны таһынан уочаратынан ытабыт, оттон атын киирсиилэргэ финаллар уонна боруонса иһин киирсиилэр эрэ маннык бараллар. Уонна, биллэн турар, күрэстэһии тыҥааһына улахан – Олимпийскай оонньуулара буоллахтара дии.
— Ытыы түһүмэхтэрин  икки ардыгар тугу гынаҕыт? Тугу эмэ кыайан дьдьүүллэһэҕит дуу, эбэтэр бэйэ-бэйэҕитин эрэ уоскутуґаҕыт дуу?
— Кырдьык, сороҕр дьүүллэһэбит эрээри, сүрүннээн хардарыта өйөһөбүт. Сороҕор, уопсай түмүккэ мөлтөх өттүнэн дьайыан сөптөөх ытыылар баар буолаллар. Маннык балаһыанньаҕа, биллэн турар, санааҕа туппакка, бэйэ-бэйэбитин өйөһүөхпүтүн наада.
— Түөрт бастыҥ ортотугар Кытай, Соҕуруу Корея, Япония уонна Россия киирбиттэрэ күүтүллүбүтэ дуу, эбэтэр ким эрэ полуфиналга соһуччу киирдэ дуу?
— Манна ханнык да соһуччу түгэн суох. Азия хамаандалара уруккуттан күүстээхтэр уонна кинилэр кыһыл көмүс иһин киирсибиттэрэ сөптөөх. Биһиги эмиэ кыахтаах этибит.

Добавить комментарий

Защитный код
Обновить

Aartyk.ru