Алексей Еремеев дьыалата уһуур-кэҥиир чинчилэннэ

Пятница, 16 Сентября 2011 18:54
Оцените материал
(0 голосов)

0af52904Прокуратура суостаах-суодаллаах уорганын биллэрдэ. Бүгүн, балаҕан ыйын 16 күнүгэр,  Үрдүкү суут президиума прокуратура бырачыаһыгар олоҕуран, экс-министр Алексей Еремеев уонна МЖК бэрэссэдээтэлин Павел Семенов ааһыныыларыгар, бэс ыйын 28-гар Үрдүкү суут таһаарбыт быһаарыытын уларытта.

Инньэ гынан, Үрдүкү суут иккистээн Еремеевтаах Павлов ааһыныыларын көрүөхтээх. Иккиттэн биир быһаарыыны талыы буоларынан сэрэйдэххэ, атын састааптаах судьуйа коллегията ааһыныыны аһарбат чинчилэнэр. Оччотугар бу икки эдэр киһи бастакы куорат суутун уурааҕа чөлүгэр түстэҕинэ, 6,5-5 сылга күлүүс хаайыытыгар барар ыар дьылҕаланаллар.

Президиум мунньаҕын республика Үрдүкү суутун бэрэссэдээтэлэ Людмила Горева ыытта. Тыл эппит судьуйа – Константин Алексеев. Буруйдуур өрүтү республика прокурорун эб. т. Айдар Иванов иилээтэ.

Добавить комментарий

Защитный код
Обновить

Aartyk.ru