Федор Луковцев «правайдар» эрэллэрэ?

Вторник, 13 Сентября 2011 00:06
Оцените материал
(0 голосов)

14027Бу киэһэ биллибитинэн, Москуба көстүүнэйигэр Михаил Прохоровы манаан дьылын-күнүн бараабыт, «Эрэл» судаарыстыбаннайа суох пенсионнай фонда салайааччыта Федор Луковцев сырата-сылбата боруостаммыт курдук. «Луковцев «Правое дело» баартыйа Бүтүн Арассыыйатааҕы сийиэһигэр делегатынан талыллыбыт» сураҕын «В Якутии.ру» ИХ тарҕатта.

Атын баартыйалар холобурдарыттан сылыктаатахха, сийиэс делегатынан талыллыбыт киһи, иккис хардыыта – Госдума модьоҕотун дьокутаат быһыытынан атыллааһын. Онон «правайдар» Госдумаҕа киирсэр испииһиэктэрин, норуокка соччо итэҕэппэтэх «Эрэл» ПФ салайааччыта баһылаатаҕына, куолас ылар кыахтара эрдэттэн сүүйтэриилээх балаһыанньаланар.

Санатар эбит буоллахха, «Эрэл» фонданы эмиэ аата-суола саарбах дьыаланы кытары ыкса сибээстээх «Ваучер Саша»  - Александр Федоров төрүттэспит «аньыылаах». Федоров «Сахаинвест» нөҥүө бүтүн Саха сирин олохтоохторун ваучерын эрбэҕэр эгитэн ылбыттаах. Дивиденд диэн өҥүн-дьүһүнүн 20-ччэ сылга чугаһыыр кэмҥэ көрдөрө илик, көрдөрөрө да саарбах. Ваучер Саша ханна хаампыт сирэ, илиитэ тиийэн ууммут тэрилтэтэ барыта моҥкурууттуур, ыһыллар дьылҕалаах. Ааттаах-суоллаах «Золото Якутии» ювелирнай хампаанньаны бэрт саарбах эргитиинэн үктэннэрэн атыылаһан ылан баран, биэс сыл үлэлэппэтэ. Хаһан эрэ Саха сирин суон сурахтаабыт хампаанньа билигин сыккырыыр тыына эрэ хаалла.

«Эрэл» пенсионнай фондаҕа пенсияларын мунньуллар чааһын итэҕэйэн туттарбыт дьонтон, хаһан эрэ эрэннэрбиттэрин курдук «баһаам харчыны баһан ылбыт» кырдьаҕас суох. Ол оннук тэрилтэ салайааччыта – Федор Луковцев, Ил Түмэн быыбарыгар  2008 сыллаахха бэйэтин уокуругар кыайан иккистээн талыллыбакка, мандаатыттан маппыта.   Кыайыылаах Александр Подголовтан эрэ хаалбакка, урукку «Эрэл» «аҕатыттан» -- Александр Федоровтан кытары хотторбута. Дьэ, уонна кэлэн, бу улахан быыбарга ханнык кыаҕынан киирсээри соруммутун киһи өйдөөбөт. Сүрэх баҕатын сүһүөх уйбата диэн эмиэ  баар ээ.


Добавить комментарий

Защитный код
Обновить

Aartyk.ru