Саха сиригэр бастакы Новеомология института

Понедельник, 11 Июня 2012 09:50
Оцените материал
(0 голосов)
Саха сирин ураты көрүүлээх учуонайа Василий Иванович Оконешников научнай үлэлэрин эдэр ыччаты үөрэтэн олоххо туттар, киллэрэр, сыаллаах-соруктаах институт арыйыахха диэн ис санаабытын этэбит.
Аныгы олох ирдэбилинэн түргэн тэтимнээх балысхан сайдыы бара турдаҕына, дьиҥнээх Үөрэх кыһата аһыллара наада. Олох остуоруйата бэйэтэ  көрдөрөрүнэн, үксүн улуу дьоммут өлбүттэрин эрэ кэнниттэн албан ааттара аатырар, тыыннаахтарыгар бэчээттэммэтэх үгүс үлэлэрэ күн сирин көрөллөр, кинилэргэ анаан пааматынньык туруораллар уонна кинилэр ааттарынан  университет арыйаллар.
Василий Иванович Оконешников – улуу киһибит, учуонайбыт сүүрбэттэн тахса сылы быһа дьиҥ айылҕата биэрбит билиитигэр олоҕуран арыйбыт арыйыыларын дьонугар-сэргэтигэр, эдэр ыччатыгар, билиэн-көрүөн баҕалаахтарга анаан кэпсии-ипсии, үөрэтэ-такайа сылдьар. Василий Иванович научнай үлэлэрин  туһааннаах анал үөрэтэр, бэрибиэркэлиир үрдүкү институттар бары маҥнайгыттан сэҥээрэллэр эрээри араас биричиинэннэн өйүүртэн, олоххо киллэрэртэн аккаастаналлар. Кини көрүүлэрэ, арыйыылара олох бары хайысхатын араҥатын хабаллар: доруобуйа, үөрэх, итэҕэл…
Киһи тутулун, туругун, өйүн-санаатын сайыннарарга ананар саҥа наука института аһыллара буоллар, аныгы үйэ оҕолоро олохтоохтук новеомологияҕа үөрэнэн, Аан дойдуга Саха сирин биир учуонайын  аатын аатырдар, биллэрэр эрэ буолбакка, бүтүн кыра ахсааннаах саха норуотун аатын историяҕа киллэриэ этибит. Саха сирэ Аан дойдуну бүс-бүтүннүү салайар технологиялааҕын туһунан билэллэрин курдук, бу Новеомология институт үлэтин үрдүк таһымҥа таһаарыахтаахпыт.
Василий Иванович «Колымскай проега» олоххо киирэн Наукаград тутулуннаҕына, Аан дойдуттан бастыҥнар талыллан  үлэлиир Научнай Киин буолуохтаах. Бу маннык улахан, инникилээх боппуруоһу Саха сирин үрдүкү дьаһалтата таба өйдөөн, кэмигэр өйөөн үбүлээтэҕинэ, саха учуонайа арыйбыт дьикти үөрэҕэ –Новеомология института Аан дойдуга бастакынан аһыллан, үлэтин саҕалыа этэ. Бу аһыллыахтаах Новеомологическай институкка сааһыттан тутулуга суох ким баҕарар кэлэн үөрэниэхтэрин сөп.
Саха сирэ дьиҥ баайа – кини олохтоох сүдү, улуу дьоно. Новеомологическай институт Аан дойдутааҕы Наукаградка олоҕуран үлэлиэхтээх дьону бэлэмнииргэ научнай площадка буолар.
 Бу дьыл ыам ыйын 26 күнүгэр «Колымскай проект» фондатын тэрийэргэ диэн сүбэ мунньах буолан ааста. Бу фонда устааба бигэргэтилиннэ уонна  куоластааһын түмүгүнэн үлэлиэхтээх бөлөх дьоно талылыннылар.
«Колымскай проект» олоххо киирэригэр фонда тэриллэн бастакы хардыы оҥоһулунна. Онон Новеомологическай институт, онтон Наукаград тутуллан,Саха  сирэ – Аан дойду  тэбэр сүрэҕэ, Духуобунай киинэ буолар кыахтаныа этэ. 

 

 

       Гаврильева Александра,

 Федорова Варвара, б.н.к.

 

Добавить комментарий

Защитный код
Обновить

Aartyk.ru