Биһиги историябытыгар ити күннэр эппитигэр-хааммытыгар киирэн, үтүө үгэс буолан, ханнык да былааска бырааһынньык быһыытынан билинэн, далааһыннаахтык ылабыт.

Сомоҕолоһуу, эйэлээх олох, сарсыҥҥы күҥҥэ эрэллээх буолуу – итини ситиһэргэ бары бииргэ үлэлээн, Саха оһуохайын курдук биир кэккэнэн, төрөөбүт дойдубут сайдарыгар күүспүтүн биэриэҕиҥ, санаабытын ууруоҕуҥ!

Ону бэлиэтии ыам ыйын 1 күнүгэр Доҕордоһуу болуоссатыгар 11 ч 30 мүнүүтэттэн Эйэ оһуохайыгар, оттон 9 Маайга Кыайыы болуоссатыгар Улуу Кыайыы Оһуохайыгар ыҥырабыт.

Аҕыс хартыгастаах арылы маҥан халлааҥҥа олохтоох айыыларгыт, тоҕус хартыгастаах толомон маҥан халаҥҥа олохтоох Үрүҥ Аар Тойоммут үтүө тыыҥҥытын өллөйдүү, хара тыыҥҥытын харыстыы сырыттын диэн алҕаатаҕым буоллун!

ДОМ!

"Оһуохай" общество салайааччыта,

Дьокуускай куорат Думатын дьокутаата Александр ДАНИЛОВ.