Чиновнигы "иҥнэҕэ" олордуу биир ньымата

Четверг, 26 Апреля 2012 06:52
Оцените материал
(1 Голосовать)

Английскай классик Уильям Шекспир: " Олох - театр, онно дьон актердар", -  диэн этиитин ис хоһоонун киһи олох олорон истэҕин аайы суолтатын өйдүүр.

Ханнык баҕарар театр актердарын дьылҕата режиссертан быһаччы тутулуктаах. Актердарга режиссер Таҥараҕа тэҥнээх киһи: кими маанылаан, көйгөтүтэн "үчүгэй"-"куһаҕан"  оруолга тиксиһиннэрэрин-тиксиһиннэрбэтин кини эрэ быһаарар.

Олоххо эмиэ сол курдук, ким эрэ - "актер", ким эрэ - "режиссер". Баҕар, театрга дьон артыыстыырын дьолунан ааҕара буолуо, оттон олоххо киһи барыта "режиссер" буолан - олоҕун бэйэтэ хонтуруоллуон,  бэйэтин санаатынан олоруон баҕарар.

Ханнык баҕарар былааска дьулуһааччылар  саамай талаһар талаһыылара  диэн - дьону хонтуруоллааһын.  Кинилэр өрүү "Дьылҕа хаан" ыйааҕын таһаарар Олох Режиссера буолуохтарын баҕараллар. Ол сыалы ситиһэргэ, былыр-былыргыттан, араас ньымалар айыллан, оҥоһуллан тураллар.

Киһини хонтуруоллааһын икки көрүҥнээх:  туохха эрэ олуйан, үктэтэн сүрүн тоһутан бэйэ баҕатын толотторуу, иккиһэ - өйү-санааны сүүйэн, дьон "бу кырдьык" эбит диэн бэйэтэ итэҕэйэн Режиссер баҕатын толоруута.

Мантан саамай идеальнайа, күүстээҕэ уонна дьайыылааҕа, биллэн турар, өйү-санааны сүүйүү, туохха эрэ (идиэйэҕэ) күүскэ итэҕэтии.

***

Үктэтии

Икки атахтаах биир саамай олуйтарар, киирэн биэрэр  майгыларыттан биирдэстэрэ - иҥсэ уонна бэйэни улаханнык сананыы.

Чиновнигы хайыытыттан ылан бэйэ баҕатын толотторор наадалаах кумааҕыларга  "илии баттыыр массыынаҕа" кбулутуу биир холобурун кэпсиибит.

Москваҕа олус сыаналаах, мээнэ киһи атаҕа үктэммэт гостиницатыгар ситэриилээх былааска үлэлиир үрдүк сололоох киһи кэлэн түһүөхтээҕэ биллэр. Тойону кытары билсэр-көрсөр интэриэстээх дьон, тойон кэлиэн быдан иннинэ,  биир киһилэрин ол гостиницаҕа түһэрэллэр: тойону кытары биир күн гостиницаҕа түһүү - уорбаланыан сөп.

Тойон кэлэр. Гостиница хонноҕун-быттыгын барытын үөрэппит киһи Тойону кытары билсиһэр.

Былаан быһыытынан, Тойону саамай сыаналаах рестораҥҥа илдьэн  дэлби аһатар-сиэтэр. Босхоҕо уксуус да минньигэс. Сарсыныгар үнтү өлөттөрбүт киһи ыарыытын тугунан эмэ мүлүрүтүөн наада. "Царская уха" диэн бас быстар сыаналаах  миини астыырынан аатырбыт рестораҥҥа илдьэн чиновнигы "бэтэрээ аҕалар". Өлөттөрбүт киһи ити миини истэҕинэ саҥаттан төрөөбүт курдук сананар буолуохтаах.

Салгыы "саҥа төрөөбүт" чиновнигы өссө сыаналаах сабыылаах кулуупка илдьэн аралдьыталлар. Кыыс буоллаҕына - кыыс, уол буоллаҕына - уол, төһө баҕарар, хас баҕарар. Ол тухары үрдүк сололоох бэйэтин хармааныттан кэлтэгэй солкуобайы төлөөбөт - барытын саҥа билсибит "кыахтаах доҕоро" счетун көрдөрбөккө эрэ төлөөн иһэр.

Эрдэ былааннаммытын курдук - казино." Аҕыйах тыһыынча" дуоллары (евроны) туттараллар уонна онньоттороллор. Ооньообут киһи кыра да буоллар булгуччу "сүүйүөхтээх". Сүүйүү "оҥороллор". Аны, сүүйүү ханнык түгэҥҥэ, ханнык эмоциональнай турукка кэлиэхтээҕэ эмиэ учуоттанар: бу кими да билбэт, кинини ким да билбэт сиригэр тиийэн олорон "сүүйбүтэ чиновникка - өрөгөй кылаана! Саатар сүүйүүтүн үөрүүтүн үллэстиэҕин саҥа доҕоро баран хаалбыт!

Дуоһунастаах киһи күүлэйдиир. Сарсыныгар өлөттөрөр. Балыгын миинин иһэ барар. Ол миинэ сыанатын билбэт, сакаастыыр, счет кэлэр- иһигэр олус соһуйар - төлүүр - эмиэ кулууптуур - харчытын букатын тэбиир - ыксыыр... Олох амтанынан биллэрбит "саҥа доҕоругар телефоннуу" сатыыр - киһитэ ууга тааһы бырахпыттыы суох. Өссө ыксыыр, сыаналаах  гостиницатыгар бытархай харчылаах олороруттан улаханнык сүрэ баттанар, санаата ыһыллар...

Арай (бу дьолу!)  барар сирэ баҕана үүтэ, кэлэр сирэ кэлии үүтэ буолан олордоҕуна, туох да буолбатаҕын курдук "саҥа доҕоро" гостиница бастакы этээһин барыгар кофе иһэн сыпсырыйа  олорор эбит! Хараҕа хараҥарбыт чиновник "ханнык эрэ кумааҕыга" илии баттаан эрилитэн кэбиһэр, уонна (тыый!) өссө да "олох амтанын билэр дьолу" толуйар  харчылана түһэр! Бүттэ... Өссө биир чиновник "иҥнэлэннэҕэ" ол.

****

Олох дьиҥнээх Режиссердара дьон-норуот хараҕар көстүбэттэр, кинилэр куруук күлүккэ сылдьан олох хаамыытын оҥороллор.

 

"Железная Леди" - Великобритания премьер-миниистирэ Маргарет Тэтчер туһунан киинэни көрөргүтүгэр сүбэлиибин.

 

Олег ВАСИЛЬЕВ.


Комментарии 

#1
Korr 29.04.2012 05:50
Буолуон сеп.
#2
Аа5ааччы 03.05.2012 16:13
Cатаан сахалыы суруйбат буоллаххытына - то5о сахалыы суруйа сатыыгыт? Иннэ - "игла" диэн этэ сатаабыккыт дуо? "Ин,нэ" - диэн "впиталась" диэн глагол, ээ.

Добавить комментарий

Защитный код
Обновить

Aartyk.ru