Хас биирдии киһи билигин интернети сатаан туттар кыахтаах кэмигэр олоробут. Ити сымыйа тэҥнэбил сымыйатын ким баҕарар интернеккэ киирэн көрүөн сөп. DAWN WAR диэн компьютернай оонньуу аатын да сыыһа суруйбуттарыттан киһи саарбахтыыр. DAWN OF WAR диэн оонньуу баар, онно "Башня зла" диэн буолбакка "Ось зла" диэн баар. Ол "ось" Олонхо ыһыаҕын Аал Луук маһыгар майгыннаабат. Тоҕо дьону буккуйалларын, араастаан холуннаралларын, саха бырааһынньыгын киргэ-буорга тэпсэ сатыылларын өйдөөбөппүт. Баһаалыста, саатар, бу ыһыахпытын политикаҕа сыһыарбакка бары бииргэ үөрэн-көтөн бырааһынньыктыаҕыҥ диэн ыҥырабыт.
Саха кыстык угун саҕа балаҕаныттан аан дойдуну анаарар улахан философия үөскээн тахсыбытын көрдөрөн - саха балаҕаныттан Аал Луук Мас үүнэн тахсарын ойуулаан, уһанан оҥорбут саха талааннаах уустарын үлэлэрин сыаналыаҕыҥ, бэйэ-бэйэбитигэр харыстаһан сыһыаннаһыаххайыҥ диэн ыҥырабыт. ***
Дьячковскай Коля уонна Петров Никита.
Комментарии