Кырдьаҕас алгыһын ыла туруҥ!

Четверг, 03 Октября 2013 08:44
Оцените материал
(2 голосов)
 
“Кырдьаҕаһы хааһахха сүгэ сылдьан сүбэлэт” диэн бэргэн этии үөскээбит устуоруйатын маннык быһаарар үһүйээн баар: Эр Соҕотох Эллэй Боотур бу дойдуну буларын сүбэлээбит киһитэ – аҕата эбит. Эллэй ыарахан, уһун, сылаалаах айаҥҥа турунарыгар кырдьаҕас аҕатын хааһахха уган баран көхсүгэр сүгэ сылдьыбыт диэн этэллэр. Эллэй аҕата – кырдьаҕас, ичээн, муударай киһи уолун саҥа сиргэ үс саханы төрөтө, түөрт саханы үөскэтэ бу сири булларбыт дэнэр.
Ханнык баҕарар киһиэхэ үс көлүөнэ ситимэ наада: ийэтэ-аҕата, бэйэтэ уонна оҕото. Эбэтэр эһэтэ-эбэтэ, ийэтэ-аҕата уонна бэйэтэ. Бастакы көлүөнэ өркөн өйү, уопуту илдьэ сылдьар, орто көлүөнэ билиҥҥи баар кэми тута сылдьар, үһүс көлүөнэ – эрчими-уоҕу, күүрээни кэрэһэлиир. Онон, мин хас биирдии саха киһитигэр бу көлүөнэ утума сарбыллыбатыгар, ситим уҕараабатыгар баҕарабын! Кырдьаҕастарбытын харыстыахха, ытыктыахха, көрүөххэ-истиэххэ, кинилэртэн куруук сүбэ-ама ылыахха, тылларын өйдөөн истиэххэ, олоххо уопуттарын туһанарга кыһаллыахха наада. Былыргыта суох –аныгы суох. Онон сылга биир күн эрэ буолбакка, эбэлэрбит-эһэлэрбит, ийэлэрбит-аҕаларбыт кырдьар саастара, олорбут олохторун уопута сааһыланар кэмигэр нус-хас, сылаас-сымнаҕас олоҕу тэрийэргэ кыһаллыаҕыҥ диэн орто саастаах, эдэр көлүөнэни ыҕырабын!
Бырааһынньыгынан, күндү доҕоттор, Кырдьаҕастар аан дойдутааҕы күннэринэн!

Өлөксөөндүр Дьуурабыс Дайыылап,
“Оһуохай” түмсүү салайааччыта.
 

Комментарии 

#1
Прокопий 20.10.2013 19:17
Дьуурабыс киэҥ ыырдаах,инникин и өтө көрөр маладьыас киһи эбиккин.Бүгүн эн тэрилтэҥ ааттаах оһуокайдьыттары н туһунан биэриини сахалыы саҥалаах Викторияҕа астына иһиттим. Биэрии олус үчүгэй,сахалыы олус ыраастык саҥарар,куолаһа ааттаах,професс ионал суруналыыс ыытта диэн сыаналаатым.

Добавить комментарий

Защитный код
Обновить

Aartyk.ru