Ууулусса устун дьону соһутан
Сорохтор уйулҕаларын көтүтэн
Суһал көмө массыыната сундулуйар
Өлүүнү кыайдарбын диэн дьулуруйар
Ханна эрэ Дьокуускай туонатыгар
Кими эрэ Өлүү дэгиэ тыҥыраҕа харбаатаҕа
Биитэр Оһол уола ыар ыалдьыт буолан
Икки Атах муҥнаах үрдүнэн көттөҕө
Киһи барыта бу дойдуга ыйааҕынан олорор
Кэлэр-барар чааһа Дьылҕанан ыйдарыллар
Олох улуу эйгэтэ ол аайы хамсаабат
Толук буолар аналбыт халбаҥнаабат
Өлөр-тиллэр мэҥэ кирбиитигэр
Дьоллоох дьон уоскуйан тиийэллэр
Олорбут олохторун толору кымыһын
Бүтэһигин дьоһуннук ыймахтыыллар
Олох уонна Өлүү кэрэһитэ буолан
Суһал көмө куорат устун сундулуйар
03.12.13
Комментарии