Сыллата 2-лии млрдка тиийэ солкуобайы бюджеттан көрдөрө олорор хампаанньа, Саха сирин олохтоохторун, таһаҕаһы чэпчэки сыанаҕа сөмөлүөтүнэн көтүтэргэ, таспакка, биһиги суоппутугар атын регионнар экономикаларын тупсара олорор диэн кириитикэлээбиппит. Хампаанньа Москваҕа, Краснодарга Дьокуускайдааҕар элбэх үлэһити тутарын ыйбыппыт. Улуустарга көтөргө анаан диэн манчыыктаан тэнийбэтэх, сэдэх, саппаас чааһа аҕыйах сөмөлүөттэри арендаҕа ылалларын кэпсээбиппит. Ону сэргэ ыстатыйаҕа хампаанньа салалтата барыта кэриэтэ Краснодарга дьиэ-уот туттан олохсуйан эрэрэ ахтыллыбыта.
Дьэ ол туран хампаанньа гендириэктэрэ Иван ПРОСТИТ уурайбыт диэн сонун кэллэ. Олус "бэйэ баҕатынан" сайабылыанньа суруллубатаҕа буолуо диэн сэрэйэбит.
ПРОСТИТ оннугар экономика миниистирэ Ольга ФЕДОРОВА ананара буолуо диэн сабаҕалыылллар. Экспертэр этэллэринэн, икки-хас сылынан бу хампаанньа атын киин, федеральнай авиахампаанньалар ыгыытын тулуйбакка моҥкурууттуоҕа дииллэр. Оччотугар Ольга ФЕДОРОВА икки сыл кэнниттэн ханна барар? Кэннэ суох "көскө" утаарыллар дуо, ити аата?
***
Аартык.ру
"Якутия" АХ гендириэктэрэ уурайда. Ольга ФЕДОРОВА "көскө"?
Вторник, 08 Апреля 2014 03:06
"Якутия" авиахампаанньа генеральнай дириэктэрэ Иван ПРОСТИТ "бэйэтин баҕатынан" сайабылыанньа суруйан үлэтиттэн уурайбытын туһунан сайтар кэпсээтилэр. “Аартык.ру” бу дьыл тохсунньу 17 күнүгэр “Якутия” авиахампаанньа ГЕНОЦИДА, эбэтэр Иван ПРОСТИТ “сайылыгар” айанын чокурдаахтар тоҕо уйунуохтаахтарый?!" диэн ыстатыйа суруйбута. Онно Дириэктэрдэр сүбэлэрэ хампаанньа үлэтин 2013 сыллааҕы үлэтин бэрэбиэркэлэппит дэммитэ. Бэрэбиэркэ түмүгүн көрөн баран, Иван ПРОСТИТ салалталаах авиахампаанньа республика олохтоохторун утары үлэлиир эбит диэн түмүккэ кэлбиппит.