Ньургун Тимофеев Саха сирэ "АЛРОСА" АК "сорох акцияларын" атыылыыры утарбат уонна аныгыс Ил Түмэн быыбарыгар эбии уокуруктар эбиллиэхтэрин сэрэйэр

Вторник, 03 Июля 2012 22:03
Оцените материал
(0 голосов)

Аартык.ру "АЛРОСА" акционернай хампаанньаны атыылааһын тула кэпсэтиини салгыыр. Бу иннинэ Ил Түмэн бэрэссэдээтэлэ Виталий Басыгысов, Томмот оройуонуттан Ил Түмэн дьокутаата Александр Морозкин, Чурапчы-Таатта уокуругуттан норуот дьокутаата Афанасий Максимов, Мэҥэ Хаҥалас улууһун баһылыгын быыбарыгар кыттыбыт кандидат - Родион Федоров  санаалара бэчээттэммитэ. Дьокутааттарбыт бары кэриэтэ "АЛРОСАны" билигин приватизациялыыры утараллар.
Алмаас хампаанньатын туһунан, 36-с уочараттаах мунньах кэмигэр бэйэтин санаатын 24-с №-дээх Нам быыбардыыр уокуругуттан Ил Түмэн дьокутаата Ньургун Тимофеев үллэһиннэ:
- Республика бас билиитигэр билигин "АЛРОСА" 32% акцията баар. 25% да, 32% да  акция "куолаһын" күүһэ тэҥ. Саамай кылаабынайа - улахан стратегическай боппуруостары ыларга, республика интэриэһин хаарыйар түбэлтэлэригэр, биһиги  утары куоластаабыппыт дьайарын курдук хампаанньаҕа өлүүлээх буолуохтаахпыт. Ол өлүүбүт 25%+1акцияттан итэҕэһэ суох буолуохтаах.   Ил Түмэн дьокутааттара ылбыт сокуоннарынан,  ити бырыһыан аччыыра көҥүллэммэт. Уоннааҕытын - 7%-ны атыылыахха да сөп, харчы киириэн  наада.
"Россия стратегическай хампаанньаларын атыылаан стартегическай партнердары көрдүүр" диэн сурах быһыытынан иһиллэр. РФ правительствотыгар "АЛРОСАны" приватизациялыахха диэн быһаарыы баарынан баар. Ол гынан баран хас бырыһыанын, хаһан, хайдах, кимнээххэ, кыраныысса иһигэр, таһыгар атыылыыры чопчулуу иликтэр. Ити балайда өр кэм иһигэр барара буолуохтаах.
Хампаанньа бэйэтин экономическэй балаһыанньата туруктаах. Алмаас хостуур даҕаны, үчүгэйдик батарар даҕаны. Барыс быстыбакка киирэ турар. Онон билигин "эһиннэ-быөынна" диэн ыган-түүрэн ыксатан  атыылыы сатыыр олоҕо суох.
- Ил Түмэн быыбарын сыл аҥаарын кэриэтэ кэнники сыҕарыталлара буолуо диэн эрэллэр.
- Мин саныахпар, дьокутааттар боломуочуйалара 6 ыйга диэри олус уһаабата буолуохтаах. Быыбары кэмигэр оҥоруохтара дии саныыбын. Дьокутааттары талыы бэрээдэгэ партиялар истэригэр уларыйар чинчилээх. Холобура урут, "Биир ньыгыл" партия быыбардыыр испииһэктэрин ким уокуруктарга элбэх бырыһыаны ылбыттарынан таҥмыттара. Бу сырыыга атын бириинсиби тутуһан испииһэктэрин оҥостуох курдуктар. Атын да партиялар испииһэккэ киирэр бэрээдэктэрин уларыталлара буолуохтаах.  
- Быыбардыыр уокуруктары саҥаттан тыыраллар дуо?
- Буолуон сөп. Тоҕо диэтэххэ, быыбардааччы ахсаана эбиллэ турар. Мин уокурукпар Намҥа аҥаардас быыбардааччыта 3000 эбилиннэ. Урут Нам быыбардыыр уокуругара Тулагы-Киллэм, куорат Хаҥалаһа киирэр этилэр. Билигин дьон эбиллибитинэн сибээстээн хаҥаластары киллэриэхтэрэ дуо?  Дьокуускай нэһилиэнньэтэ улаханнык эбилиннэ. Онон булгу биир уокурук эбии оҥорор буолуохтаахтар.  
- Ньургун Семенович, парламент икки ыҥырыылаах мунньаҕар дьокутааттаатыҥ, үһүстээн быыбарга кыттыаҥ дуу?
- Быыбардааччыларым тур диэтэхтэринэ - туруом.
Туйаара НУТЧИНА. 
-  

Добавить комментарий

Защитный код
Обновить

Aartyk.ru