Фестивалы аан дойду киинэтин түһүлгэтигэр үрдүк сыанабылы ылбыт "Саха снайпера" уус-уран киинэ аста. Режиссер Никита АРЖАКОВ бу фестивалга тумус киһи буолла. Кини киинэтэ фестивалы аста уонна "Ильмень үрдүнэн туруйалар" киинэтэ түмүктээтэ. Ол быыһыгар "Оҕонньор" хартыыната эмиэ көрдөрүлүннэ.
Хабаровскайга элбэх саха ыччата үөрэнэр. Кинилэр этэллэринэн, фестивалга сылдьыбыт Хабаровскай олохтоохторо саха киинэтин улаханнык сэҥээрбиттэр уонна сэргээбиттэр. "Геройдары кытары тэҥҥэ ытаһалларыттан-үөрэллэриттэн көрдөххө, биһиги киинэбит бэйэбитин эрэ буолбакка омук дьонун кытары долгутар күүстээх эбит", - диэн Аня Павлова Хабаровскайдааҕы экономика уонна быраап государственнай университетын студена киэн туттан кэпсиир.
Фестивальга  "Киhи үөйбэтэх өттүттэн" (режиссер Аркадий НОВИКОВ),  "Көҥүл Боотрудар ("Детсат"), "Буор Кут", "Утум" (режиссер Прокопий НОГОВИЦЫН),  "Причуды дождя" (режиссер Сергей ПОТАПОВ), "Балыксыт" (режиссер Вячеслав СЕМЕНОВ) киинэлэр көһүннүлэр.

Паша НЕУСТРОЕВА,
Аартык.ру