Кинигэ аата «Сокровенная история Республики» диэн. Автор этэринэн, «Сокровенное сказание монголов» («Тайная история монголов») диэн сураҕырар суруйууга майгылатан айыллыбыт, Саха республикатын уонна саха омук историяларын уустук кэрчик кэмин ырытан, наардаан суруллубут.

Кинигэҕэ 1990 – 2015 сыллардааҕы событиелар олус сиһилии суруллубуттар, киһи билбэтэҕэ-үөйбэтэҕэ элбэх эбит.

Кинигэ халын эбит, 624 страницалаах.

Презентацияҕа элбэх киһи сырытта, тыл эттэ, ол иһигэр Саха Республикатын Государственнай субэһитэ Андрей БОРИСОВ, Саха Республикатын Конституционнай суутун салайааччыта Александр КИМ-КИМЭН, Ил Тумэн депутата Александр УАРОВ, Саха Республикатыгар киһи быраабын араҥаччылыыр боломуочунай Алексей ЕФИМОВ, биллиилээх суруналыыс Иван УШНИЦКАЙ о.д.а.

Аахпыт дьон бары кинигэ тупсаҕайдык суруллубут, онон киһи умсугуйан, ис иһиттэн таттаран, түргэнник ааҕан кэбиһэр эбит диэн санааларын эттилэр.

Элбэх киһи урут республикаҕа маннык хабааннаах, далааһыннаах кинигэ тахса илик этэ, кэм-кэрдии ирдэбилинэн уонна норуот туххаһыйбыт санаатын-оноотун таба таайбыт курдук олус сөптөөх бириэмэтигэр таҕыста диэн санааларын эттилэр.

Автор Иван НИКОЛАЕВЫ кытары улахан интервью бэлэмнээн оҥорон, сотору соҕус таһаарыах буолан кэпсэттибит.

 
Ортоку кинигэ автора Иван НИКОЛАЕВ уонна кинигэни бэрийэн таһаарбыт, «Чопчу» кинигэ кыһатын директора Светланна ТААЙКО олороллор. Владислав КОРОТОВ хаартыската.

Aartyk.Ru