Дуумабыт хас биирдии сокуона
Хаспытын хааччахтыыр айдааннаах.
Толкуйа түктэри, олуона,
Бу норуот дуумата дуо ама?

Көрдөххө бүгүҥҥү олоххо
Дьокутаат диэн былаас кулута.
Норуокка тоҕо да оччоҕо
Нааданый кураанах бу уһаат?

Ол аата дьокутаат-адаҕа,
Норуотун утары турдаҕа.
Таһаарар сокуона барыта
Туһаҕа тахсыбат ыт сааҕа.

Оччоҕо килиэппин тоҕо сиир
Туохха да бу топпот дьокутаат?
Наада дуо туһата суох сиппиир,
Харайдын кинини уот кутаа.

Дьокутаат эрэ ол буолуо дуо?
Бартыбыал кыбыммыт баһаамнар.
Биир сапка тиһиллэр оҕуруо,
Көрүнньүк бөх, киэргэл буолаллар.

Үлэһит киһини үрдүнэн
Үктэнэн бараллар кинилэр,
Амтаннаах аһынан үссэнэн
Кыһалҕа диэн тугун билбэттэр.

Көрдөххө бүгүҥҥү дьокутаат
Куорҕаллыыр үөн-көйүүр кэриэтэ,
Барҕардар, тупсарар аатырар,
Барытын мэҥиэстэр бэйэтэ.

Саранча, сахсырҕа кэриэтэ
Бэлэмҥэ элиэтиир элбэхтэр,
Дьолломмут дьоһуннаах дьокутаат,
Тылгынан кыыраҥҥын дьэ, кытаат.

Госдума бу дурдом диэччилэр
Сыыспыттар дуо? Норуот, Эн этээр.

Омук Уола 13.07.2016 с.