Итинэн көрөр буоллахха, олимпийскай чемпион Джамал Отарсултанов Александр Богомоевка икки мүнүүтэ хаалбытын кэннэ 9:1 хотторбута. Олимпиада бронза призера Денис Царгуш бүтэһик мүнүүтэлэргэ Гедуевка туох да эппиэтэ суох хотторбута. Олимпиада чемпиона, биэс төгүллээх аан дойду чемпиона Хаджимурат Гацалов Анзор Болтукаевка 0:10 туох да мөккүөрэ суох кыайтарбыта. Итини көрөн олорон көрдөххө, биһиги Витябыт эппиэтинэһин барытын сүгэн, Сахабыт Сирин туһугар сэрэнэн-сэрбэнэн түһэн биэрбэккэ тактичнай кыайыылары аҕалтаата.

Тустууну көрөн олордоххо, тустууктар 10-15 сөкүүндэ хааллаҕына хоттордубут диэн туран хаалаллар. Онтон биһи Витябыт ити сөкүүндэлэргэ хайдахтээх кыайыылары аҕалбытын өйдүүр инигит.

Исмаил Мусукаев туһунан этэр буоллахха, чемпионнары кытта итинник тустубаттар. Үөһээ этиллибит курдук кыахтаахтык тустан кыайыахтааххын.

Биһиги уолбут Айаал Лазарев Астанаҕа буолбут олимпийскай квалификационнай улахан эппиэттэх турнирга Даулет Шанбаевы туше уурбутун кыайыыны аннараа киһиэхэ биэрбиттэрэ.  Өссө биир уолбут боксер Василий Егоров олимпийскай путевканы ылбыт Доха куоракка кубинеһы Джоанис Алгирадоһы хайдах курдук кыайбытай, охторбутай син биир аннараа киһиэхэ бирбиттэрэ.

Итини барытын сыаналаан көрөн баран уолгутун түһэн биэримэҥ. Санаатын көтөҕүҥ. Риоҕа барарга биһиэхэ барыта баар.

Аркадий АФАНАСЬЕВ.
http://sportyakutia.ru