Былыр айан суолларыгар симиэбийэлэр (зимовье) баар буолаллара. Суолга быстарбыт дьон онно тиийэн тыыннарын салҕаналлара. Хара тыаҕа булчуттар үүтээннэригэр эмиэ кинилэр кэннилэриттэн кэлбит айанньыттарга анаан табах, чэй, ас, испиискэ хааллараллара.

Былыргы үгэһи салҕаан, туобуйалар айан суолун устун хас 15 км аайы итинник дьоҕус үүтээннэри туттулар. Маннык дьиэлэри хоту улуустар тутталлара буоллар абыраныах этилэр дэһэллэр.



Хас дьиэ аайы бэлэм мас, ас баар. Ааһан иһэр киһи булгуччу киирэн туттубут маһын оннугар мас бэлэмнээн, ас, испискэ хаалларан иһэр. Былыргы өбүгэ үгэһин ким да кэспэт.

Туобуйа нэһилиэгин уратытын Спиридон БОРБУЕВ, улуус баһылыгын солбуйааччыта ФБ-ка суруйбутунун көрдөххө, бу нэһиликтэн:
- Икки Социалистическай үлэ геройдара тахсыбыттар,
- Үөһээ-Бүлүү сириттэн иккис  үрдүк дуоһунастаах  государственнай деятель  тахсыбыт.
- Хотун Бүлүү символын прототиба биһиги киһибит,
- Ленаҕа түһэр 3 улахан үрэхтэр бастарыгар турар дэриэбинэ ханна да суох. Лена тардыытыгар олоробут.
- Саха сирин арҕаа, соҕуруу, киин өттүгэр саамай суола-ииһэ суох, киинтэн ыраах олоробут - 250 км.
- 165 км. радиуһунан биир да нэһилиэнньэлээх пуун суох.
- Икки өрүс  үрдүк кирбиитигэр турар, муора таһымыттан 330 м.
- Улууска саамай киэҥ иэннээх территориялаахпыт.
- Үөһээ-Бүлүү - Горнай быыбардыыр уокурук биһигинэн силбэһэн холбонор.
- Эбэҥкилэртэн Саха омук буолбуппут 107 сыла туолла.
- Улууска болбукта (морошка), "огонек" сибэкки манна эрэ   үүнэр.
- Горнай, Өлүөхүмэ, Сунтаар улуустара биһигинэн эрэ улуустуун кыраныысалаһаллар.
- Саха Сирин ортотугар 12 .08. 1979 с. 8.5 килотоннаах, сир  анныгар, ядернай дэлби тэптэрии буолбут сирэ.
- Эргиччи 3 ураты харыстанар паркалар бааллар.
- Үөһээ-Бүлүүттэн Дьокуускай 667 км, Туобуйаттан 500 км.
- 60 с. сылларга диэри сүүһүнэн сылларга улахан айан аартыга.
- Төгүрүччү 40-ча улахан күөллэрдээх. Өрүстэр икки ардыларыгар оннук сир суох.
- Улууспутугар биһиэхэ эрэ, нэһилиэги хааччыйар дизельнай станция үлэлиир.
- Федеральнай суолталаах сир баайа баарынан, улууска бастакынан улахан уларыйыылары күүтэбит, - диэбит.

***

Aartyk.Ru