"Алтынньы ый 30-с күнүгэр Сунтаар улууһуттан төрүттээх Дьокуускай куоракка олохтоохтор мустан улуустара салгыы чэчирии сайдарыгар анаан кэскиллээх кэпсэтиини ыыттылар. Биллэрин курдук, 2015 сыл кулун тутар ыйыгар улуус дьаһалтатын аҕа баһылыгар быыбар буолара былааннанар. Онон бүгүҥҥу күннээҕи кэпсэтии барыта ити эргин барда. Кэпсэтии улуус билиҥҥи балаһыанньатын, ким аҕа баһылык үрдүк эппиэттээх дуоһунаһыгар үлэлиэн сөбүн тула буолла. Сунтаартан төрүттээх Дьокуускай куорат олохтоохторун аатыттан ити үлэни кимиэхэ итэҕэйиэхтэрин, мэктиэлиэхтэрин сөбүн туһунан элбэхтик ырыттылар. Тыл эппит улуус ытык-мааны дьоно: Иванов Климент Егорович, Егоров Егор Григорьевич, Иванов Прокопий Семенович, Николаев Петр Петрович, Усов Михаил Аввакумович, Петров Александр Иннокентьевич, Александров Георгий Николаевич, Михайлов Виталий Семенович, Саввинов Тимофей Григорьевич, Михалева Наталья Владимировна – Сайа, Степанова Антонина Васильевна, Тихонова Юлия Ивановна, Сунтаар түмсүүтүн Түмэр Сүбэтин кыттыылаахтара уонна да атыттар бары биир тыынынан-тылынан Лазарев Владимир Иннокентьевич – ити үлэни кыайарыгар эрэллэрин эттилэр. Манна даҕатан эттэххэ, Владимир Иннокентьевич – Дьокуускай куоракка олорор Сунтаартан төрүттээхтэр Түмэр Сүбэ түмсүүтүн салайааччытынан хаһыс да сылынан ситиһиилээхтик үлэлээн кэллэ. Онон Сунтаар улууһун үлэтин-хамнаһын туругун үчүгэйдик билэрин таһынан, туох баар улуус, республика таһымыгар ыытыллар үлэлэргэ активнай кыттыыны ыларын, Түмэр Сүбэ араас тэрийии үлэлэрин үрдүк таһымнаахтык ыытарын, Дьокуускай куоракка Сунтаар нэһилиэктэрин түмсүүлэрэ тэриллиилэрин ситиспитин аҕыннылар. Лазарев В.И. үлэтинэн, салайар-тэрийэр үлэҕэ опытынан, үөрэҕин идэтинэн, киһи быһыытынан барытынан бу эппиэттээх дуоһунас үлэтин кыайарыгар эрэллэрин эттилэр, сүбэ-ама биэрдилэр, алгыстарын анаатылар.
Ити этиллибит эрэл тылларга эппиэттээн Лазарев В.И. бэйэтин биографиятын уонна Сунтаар улууһун инники өттүгэр хайдах сайдарыгар бэйэтин көрүүлэрин торумнарын кэпсээтэ.
Киэҥ ырытыы, дириҥ торумнааһын түмүгэр кэпсэтии кыттыылаахтара буолаары турар быыбарга Лазарев В.И. кандидатуратын өйүүргэ биир дойдулаахтарын ыҥырарга быһаардылар.
Онон бу дьоро киэһэ алгыс тылынан, инникигэ, сырдыкка эрэл санаанан түмүктэннэ".
***
Лазарев Владимир Иннокентьевич туһунан кылгас иһитиннэрии
1963 сыллаахха Сунтаар улууһугар Сунтаар нэһилиэгэр төрөөбүтэ.
Кэргэннээх, икки оҕолоох.
Үөрэҕэ:
-1983 сыллаахха Новосибирскайдааҕы электротехническай институту бүтэрэн инженер-электрик идэтин ылбыта
-2004 сыллаахха Москватааҕы РАГС бүтэрэн «Менеджер Управления социальным развитием» идэтин ылбыта
-2014 сыллаахха ХИФУ-ну бүтэрэн «Преподаватель высшей школы» идэтин ылбыта
Үлэтэ-хамнаһа:
- 1985-87 с «Сунтарсксельхозэнерго» инженер-электрик, Сунтаардааҕы производственно-эксплуатационнай учаастак начальнига
- 1987-89с Сунтаардааҕы РК ЫБСЛКС II секретара
- 1989-91 с - Өлүөхүмэтээҕи РК ЫБСЛКС I секретара
- 04.1991-08.1991 с Сунтаар райсоветыгар ыччаты кытта үлэ отделын сэбиэдиссэйэ
- 1991-95 с Мирнэйдээҕи «Востоксибэлектромонтаж» трест Монтажнай Управлениетын Сунтаардааҕы учаастагын прораб-начальнига
- 1995-98 с ООО «Компания SBM-ltd» кылаабынай инженерэ
- 1998-2000 с – СӨ Президенын уонна Правительствотын административнай-хаһаайыстыбаннай боппуруостарын хааччыйар Холбоһуктарын иһинэн «Тыгын Дархан» гостиница инженер-энергетига
- 2000-2004 с - СӨ Правительствотын бэрэссэдээтэлин бастакы солбуйааччытын көмөлөһөөччүтэ, СӨ вице-президенын көмөлөһөөччүтэ, СӨ уонна Правительствотын иһинэн Информатизация уонна саҥа технологиялары олоххо киллэриитин боппуруостарынан дьарыктанар Управление начальнига
- 2004-2008 с – ОАО «Сахателеком» генеральнай дириэктэрин солбуйааччыта, генеральнай дириэктэр советнига
- 2008-2009 с – СӨ наукаҕа уонна профессиональнай үөрэхтээһиҥҥэ миниистирин көмөлөһөөччүтэ
- 2009 сылтан ыла СӨ ГАПОУ П.И.Дудкин аатынан Дьокуускайдааҕы сибээс уонна энергетика колледжын дириэктэрэ
Общественнэй үлэтэ:
- 2010 сылтан ыла Сунтаар улууһуттан төрүттээх Дьокуускай куорат олохтоохторун «Түмэр Сүбэ» бэрэссэдээтэлэ
- Сибиирдээҕи үрдүк үөрэх кыһаларын бүтэрбит выпускниктар общественнай тэриллиилэрин Бырабылыанньатын чилиэнэ
Наҕараадалара:
- СӨ Транспортка, сибээскэ уонна информатизацияҕа министерствотын, СӨ Профессиональнай үөрэхтээһин, кадрдары аттарааһын министерствотын, Дьокуускай куорат окружной администрациятын, СӨ Государственнай Мунньаҕын «Ил Түмэн» Бочуотунай Грамоталара, «Гражданская доблесть» знак.
***
Зинаида ИГНАТЬЕВА.
Зинаида ИГНАТЬЕВА.
Комментарии
БЕА "бее" диэтэ да ити Клименнэр эниннэр уеруе-тараа барыахтара, онкучахха саЬыахтара, ейуур аатырбыттарын таЬыччы умнуохтара.
Ол а5ыйах о5онньор мустан, "Сунтаар барытын аатыттан" куолулаабыттара - сымыйа буо!
Этэллэр дии - ити Сунтаардар билигин былааска биир улахан авторитеттаах киЬилэрэ Уаров олох атын киЬини туруорсар диэн.
Ол аата "биир дойдулаахтара биир санааннан туруорбуттар" диэн сымыйа эбит батта?
Саха барыта сэнээриэ этэ оччого - сорох соЬуйуо, сорох саллыа, сорох себулуе - саха барыта истиэ-билиэ этэ сунтаардар быыбардарын туЬунан
Хаампат буо, ол эрэн Ил Дархан тыла-еЬе бу эйиэнинээ5эр ба5ас быдан ордук ыйааЬыннаах ини?
Онон ким теЬе километры сатыы хаамарынан сыаналааЬынна барар буоллахпытына, оччо5о саамай улуу киЬинэн били ханна-эрэ Америка5а этэ дуу туох-эрэ марафону кыайбыт саха кыыЬын талыахха, сеп?
итэҕэлин сиргэ тэпсэн арыый үрдүк солоҕо. үҥкүрүс гыннаҕа ити. ким өйөөбүтэй тихоновы? дьокуускайга олорооччулар сунтаар буоругар олорооччулары ытыктыаххытын.