Сунтаар силиилээх дьоно аныгыс баһылыгынан кими көрөллөрүй диэн ыйытыыга "ньыгыллар" диэкилэрэ Владимир ЛАЗАРЕВ дэһэллэр. 
ЛАЗАРЕВ уруккута хомсомуол хоодуота, "Сахателеком" ААОҕа солбуйар генеральнай дириэктэрдии сылдьыбыта, былырыын Ил Түмэн быыбарыгар кандидат Егор ЖИРКОВ итэҕэллээх киһитинэн үлэлээбитэ. Билигин Дьокуускайдааҕы Дудкин аатынан телекоммуникация,  сибээс уонна информационнай технология колледжын дириэктэрэ, Сунтаартан төрүттээх. 
Итини сэргэ "сиэрдээхтэртэн" Ил Түмэн депутата Жанна ЕГОРОВА баһылык дуоһунаһыгар талаһар баҕалааҕа иһиллэр.
***
Саха республикатын правительствотын саҥа састаабыгар икки улуус баһылыга миниистирдии кэллилэр. Эппиппит курдук, Владимир ТИХОНОВ уонна Амматтан Александр АРТЕМЬЕВ - СР Тыа хаһаайыстыбатын уонна аска-үөлгэ политикатын миниистирэ буолла.
АРТЕМЬЕВ Аммаҕа  2003 сылтан быйылгыга диэри баһылыктаата. Кини үһүс болдьоххо баһылыгынан талылларыгар сүрүн оппонена Дмитрий ЛЕВИН буолбута. Аны күһүҥҥү быыбарга урукку кандидаттар эмиэ кытталлара сэрэйиллэр. 
***
Аартык.ру