Афанасий НОЕВЫ, "Сахамедиа" солбуйар генеральнай дириэктэрин ПЕСТРЯКОВ оннугар "олордон" бүтэн баран, аны атын киһини "олордор" буоллубут - Афанасий ЕГОРОВЫ, Правительство уонна президент пресс-сулууспатын салайааччытын. 
Кыараҕас эргимтэҕэ ааттанарынан - Агитыч Чокурдаахха сылдьарын булан ылан кэпсэттибит. Киһибит судургутук:
- Итэҕэйимэҥ! - диир. - Атын кандидатура баарын билэбин.
- Кимий?
- Кистэлэҥ.
- Кимиэхэ да этиэхпит суоҕа, эт...
- Итэҕэйэбин! Суруналыыстарга олус итэҕэйэр үлэлээхпин... Чокурдаахха сылдьабыт, бүтүн делегация... 26 кыраадыс итии, кумаар бөҕөтө...
- Кэһэйиҥ...
- Баһыыба.
- Норуот олоҕун билэ түһүҥ.
- Билэн-билэн...

Инньэ гынан, Агитыч "Пестряков буолартан" аккаастанна. Оннук буолумуна, бэчээккэ быһаччы сыһыаннаах киһи ананара ирдэнэр. Оттон Агитыч чунуобунньук буоллаҕа, Тумууһап Нерюнгри кэминээҕи саллаата этэ.
***
Аартык.ру