Хаһан баҕарар, улахан түһүлгэни тэрийэр сыралаах, эппиэтинэстээх. Орто дойдуга сырыы-айан "олуона мөлтөхтүк" тэриллибитин туһунан интернет-сыһыарыыга хаста да хатыланан суруйуу кэлэ сырытта. "Тойоттор-хотуттар массыыналарын туспа, түһүлгэттэн чугас сиргэ туруораллар, көннөрү дьон бачча итиигэ 5 км тэйиччи сиргэ массыыналарын ууран баран сатыылыыллар, кэлэр-кэлбэт босхо автобустарга симиллэ да сатаабаттар" дэниллэр. Маны утаран сырыһыннара "Ватсапка" хас да хоруй тарҕанна: барыта этэҥҥэ, олоҕо суох кэриэтээһин, дьон астыммыт, арай халлаан итиититтэн икки кыттааччы өйүн сүтэрэн оҕунна диэн. 
Егор БОРИСОВ уһун-киэҥ тыл этэр сындааһынын тулуйбакка кырдьык икки дьахтар өйүн сүтэрэн охтубутун элбэх киһи көрбүт. Сорохтор хаҥаластар улахан емкостарга кырааннаах уу туруоран дьону сууннаран абыраабыттарын хайҕаабыттар. "Нууччалары кытары өр булкуспут дьон цивилизованнайдар эбит. Ыһыахха общественнай суунар сир баарын саҥа көрдүм. Өссө ханна эрэ душ турар диэн кэпсээбиттэрэ", - диэн ыһыаҕы көрбүт киһи кэпсиир. Онтон суолтан тэйиччи массыыналары тохтоппуттарын атын киһи хайгыыр: "Бачча тыалга түһүлгэ, аһыыр сир чугас-чугас турбуттара буоллар, бүтүннүү буор буолуох этэ. Сөпкө дьаһаммыттар. Дэлэгэйин сөбүлээтим диэбит". 
Онон сүүс киһи сүүс санаа.
***
Аартык.ру