Инньэ гынан, БАСТАКЫ миэстэни, күүтүүлээх-кэтэһиилээх, туруорсуулаах-туруулаһыылаах В.ЯКОВЛЕВ-Далан "Тыгын Дархан" арамааныгар олоҕурбут киинэ сценарийа ылла! Сценарий ааптардарын - Владимир КУЗЬМИНЫ (Москва) уонна Никита АРЖАКОВЫ (Дьокуускай) ис сүрэхтэн сүргэбит көтөҕүллэн туран эҕэрдэлиибит! Кистээбэппит, бу айымньынан киинэ уһуллуон олус баҕарбыппыт, элбэхтик суруйбуппут, дьон санаатын бэчээккэ таһаарбыппыт. ИККИС миэстэни В.ФЕДОРОВ айымньытынан "Созвездие Марии" сценарий ылла. Оттон ҮҺҮС бочуоттаах миэстэҕэ уус-уран литератураҕа хорсуннук-хоодуоттук үктэнэн киирбит Тургун ПОПОВ "Острог" айымньытынан суруллубут сценарийа тигистэ. Сценарий ааптара биһиги коллегабыт суруналыыс Светлана АЛЕКСЕЕВА. Светаны ситиһиитинэн иэйэн-куойан туран эҕэрдэлиибит, маладьыас диэн хайгыыбыт!
***
Куонкурус балаһыанньатын быһыытынан, сценарий 60-80 стр., нууччалыы тылынан суруллубут буолуохтаах этэ. Биэстэн итэҕэһэ суох уус-уран устуу быһаарыыта ойууланыахтааҕа. Бу куонкуруска барыта 30-чча үлэ киирэн кытынна. 1 миэстэ - 400 000, 2 миэстэ - 300 000, 3 миэстэ - 200 000 солкуобай ылыахтаах. Ааптарыскай быраабы Култуура министиэристибэтэ ылар.
Дьэ, онон, Далан аатырбыт айымньытынан киинэ уһулуннар ханнык. Бастакы хардыы оҥоһулунна. Иккис киинэ уһулларын туһунан дьаһал, үп-харчы ылыллыан, көрүллүөн наада. Күүтэбит.
***
Аартык.ру
***
Куонкурус балаһыанньатын быһыытынан, сценарий 60-80 стр., нууччалыы тылынан суруллубут буолуохтаах этэ. Биэстэн итэҕэһэ суох уус-уран устуу быһаарыыта ойууланыахтааҕа. Бу куонкуруска барыта 30-чча үлэ киирэн кытынна. 1 миэстэ - 400 000, 2 миэстэ - 300 000, 3 миэстэ - 200 000 солкуобай ылыахтаах. Ааптарыскай быраабы Култуура министиэристибэтэ ылар.
Дьэ, онон, Далан аатырбыт айымньытынан киинэ уһулуннар ханнык. Бастакы хардыы оҥоһулунна. Иккис киинэ уһулларын туһунан дьаһал, үп-харчы ылыллыан, көрүллүөн наада. Күүтэбит.
***
Аартык.ру
Хаартыскаҕа - Никита АРЖАКОВ, киинэ режиссера.
Комментарии