Маны муодарҕыы көрбүт, соһуйан дьик гыммыт да киһи элбэх. Сорохтор “хоруммат да хоруммат туохтаах үһү” диэн аахайбаттар, сорохтор ЧЛЕНОВ “кистэлэҥ үөрэҕи бара сылдьар, хаһыс эрэ түһүмэххэ вербальнай бэлиэлэрэ” диэн уорбалыыллар.
“Аартык.ру” Владимир ЧЛЕНОВТАН бэйэтиттэн ыйытта, тугу хардарар эбит?
- Владимир Михайлович, дорообо!
- Дорообо-дорообо, билэн-билэн, суһаллык санааҕытын этэр дьоҥҥут!
- Тоҕо билигин кэлэн сулардыы бытыктанныҥ?
- Ээ, хорунарбыттан хал буоллум.
- Быыбар кэнниттэн тута “хал буоллуҥ”?
- ...
- Быыбар кэнниттэн үүннэрдиҥ?
- Оннук.
- Хаһан хорунаҕын?
- Дьиэлээхтэрбэр иккис сиэним төрөөтөҕүнэ хорунуом диэн тылбын биэрбитим.
- Константин ИЛЬКОВСКАЙ бытыктаах сылдьа түһэн баран губернатор буолбута дии, эйигин эмиэ итинник дьылҕа күүтэрэ буолаарай?- Ээ, мин хантан! Бу сарсын Москвалаатым. Артур Чилингаровы көрсүөхтээхпин, иккиэн бытыкпытын тэҥнэһэрбит дуу, оонньоон этэбин. Арктика киһитэ буоллаҕым (ЧЛЕНОВ “Якутская Арктика” общественнай тэрилтэлээх – аапт.). Полярниктар маннык бытыктаахпыт.
- Дьокутаат коллегаҥ тэрилтэтэ “Якутцемент” ААО акцията атыыламмытын туох дии саныыгын?
- Ким да салайдын кылаабынайа үлэлиэн эрэ наада. Миигин ордук 1300 хараабыл дьылҕата харааһыннарар. Миэбэл оҥорор производство тохтоон турарын сөбүлээбэппин. Оттон сиэмэн собуотун сырьета манна баар, үлэлиэҕэ. Эргиэн-промышленнай палатата сыала-соруга туола илик. Кыра республикаҕа 64 сыаналыыр-боруобалыыр тэрилтэ баар. Дьиҥинэн онон ЭПП дьарыктаныахтааҕа, сертификат эмиэ палатанан бэриллиэхтээҕэ.
- Төһөнөн элбэх өҥө көрөр тэрилтэ баара үчүгэй буолбатах дуо? Күрэстэһии баар буолара?
- Күрэстэһии үчүгэй эрээри аан дойдуга барытыгар ити өҥөнөн ЭПП эрэ дьарыктанар.
***
Оччотугар ЧЛЕНОВ салайар тэрилтэтэ эрэ табаар хаачыстыбатын бэрэбиэркэлиир, сертификаттыыр бырааптаннаҕына үлүгэрдээх үп биир тэрилтэ илиитигэр киирииһи...
***
Аартык.ру
Хаартыскаҕа: 1. В.ЧЛЕНОВ.
2. К.ИЛЬКОВСКАЙ.
Комментарии