Истэрбит-билэрбит былаһын тухары улуустарга көтөр сөмөлүөттэр сыаналара сиэрэ суох үрдүк. Киэн тутта ааттыыр олохтоох авиахампаанньабыт сөмөлүөт бөҕө атыыласпыт аатырар даҕаны, улуустарга көтөр сөмөлүөттэр бары кэриэтэ субу хааҕынаан, абырах-ибирэх буолан, сорох-сороҕор киһи олорсуон да этэ салаһар. Былырыын дирбиэн-дарбаан буолан аҕалбыт “хотулары таһыахтаах” Bombardier Q400 (Бомбардье), Суперджет-100 ааллара ханна бардылар? Билиэт сыанатын тоҕо ким да хонтуруоллаабатый: Москубаҕа көтөрүм 7 000 солкуобай, Чокурдаахха көтөрүм 26 000! Ньурбаҕа кэлэ-бара 24 000 төлүүбүн, Бангкокка 15 000! Республика авиахампаанньата ааттаах тэрилтэ, тоҕо республика олохтоохторун тириитин үс бүк сүлэрин ким да дьарыйбатый?!
“Якутия” АХ Республика бюджетын мэктиэлэтэн сылга 2 миллиардка тиийэ кредит ыла олорор, онно эбии бюджеттан сылын ахсын саамай кырата 500 мөл. солкуобайы “көмө” көрдөрөр. Авиация тыа хаһаайыстыбатын салаата буолбатах, авиация – ырыынак бизнеһэ. Маны бюджеттэн үбүлүүр букатын оруна суох. Өскөтүн саатар бу сыллата көрүллэр “көмө” харчы республика иһигэр көтөр дьоҕус авиация сайдарыгар ыытыллара эбитэ буоллар, син киһи бэркиһиэ суох этэ. Ону баара республика харчыта атын регионнар транспортнай логистикаларын сайыннарарга, атын дьон олохторун хаачыстыбатын тупсарарга барана турар.
Итинник түгэҥҥэ авиахампаанньа сүрүн тэрийээччитэ, Дириэктэрдэрин Сүбэтин салалтата – СР Баайга-дуолга миниистирэ Е.ГРИГОРЬЕВА, тырааныспары дьаһайыахтаах правительство бэрэссэдээтэлин солбуйааччыта А.СКРЫБЫКИН, миниистир С. ВИНОКУРОВ, Салгын тырааныспарын департаменын салайааччыта А.ТАРАСОВ тугу үлэлииллэрий? Көдьүүһэ суох үлэлиир менеджменнээх авиахампаанньаны туох интэриэстээх буолан тутан олордохторой?..
Маннык көлөттүгэс, соруйан орускуокка тэбэ олорор менеджменнээх авиахампаанньа син биир икки-хас сылынан эстэр. Оччотугар миллиардынан иэһин ким төннөрөрүй? Республика бюджетэ, ол аата эргийэн кэлэн республика олохтоохторо төлүүллэр дуо?
“Коррупция”, “коррупция” диэн салгыны сатарыталлар даҕаны, 200 тыһыынчаны ылбыт дуу, ыла сатаабыт дуу мээри уодьуганныахтарын оннугар дьиҥнээхтик мөлүйүөнүнэн, миллиардынан мохсуо бырахсар дьону тоҕо дьарыйбаттарый?!
Биир да сөмөлүөт хампаанньа бас билиитигэр суох
“Якутия” авиахампаанньа "бачча-оччо сөмөлүөт ыллыбыт" диэн кэпсэнэр эрээри, дьиҥ иһигэр киирдэххэ биир да сөмөлүөтү бас билбэт. Сөмөлүөттэр бары АРЕНДАҔА сылдьаллар. Сылын аайы аренда сыанатыгар миллиардынан суума республика таһыгар тахса турар.
Былырыын олунньуга аҕалан ый-күн ыһыаҕын ыспыт Bombardier Q400 канадскай сөмөлүөттэрэ “хоту улуустарга анаан ылылынна” диэн уруйдаммыта-айхалламмыта аҕай. 70 миэстэлээх көтөр аал нэдиэлэ аайы хоту улууска көтүөҕүн улаханнык саарбахтаабыппыт. Санаан да көрдөххө, Белай Гора бүтүн бөһүөлэгин олохтооҕун төттөрү-таары бу сыана ыараханыгар ким хатааһылатыаҕай? Бомбардье билигин этэҥҥэ Дьокуускай пуордугар таарыйан да ааспат - Краснодар аэропордугар ыйын аайы үлүгэрдээх сууманы төлөөн онно базаланан олохсуйда уонна Хабаровскай-Краснодар икки ардыгар тиэстэр үлэлээх. Бюджеппит дэлэгэйэ сүрдээх: хабаровскайдары муораҕа таһар кыахтаахпыт, ону сэргэ краснодардары үлэнэн хааччыйабыт.
Аны, “Якутия” АХ арендаҕа ылар да сөмөлүөттэрэ уратылар. Экспертэр этэллэринэн, саҥа сөмөлүөттэри арендаҕа бастакынан ылар хампаанньа орускуота, кэлин ылааччылардааҕар үс бүк улахан. Тоҕо диэтэххэ, саппаас чааһа дэбигис көстүбэт уонна сыаналаах, ону ааһан саҥа техниканы көрөргө-истэргэ эбии летчиктэр, техниктэр хамаандаларын тэрийиэххэ наада.
Аны, “Якутия” АХ арендаҕа ылар да сөмөлүөттэрэ уратылар. Экспертэр этэллэринэн, саҥа сөмөлүөттэри арендаҕа бастакынан ылар хампаанньа орускуота, кэлин ылааччылардааҕар үс бүк улахан. Тоҕо диэтэххэ, саппаас чааһа дэбигис көстүбэт уонна сыаналаах, ону ааһан саҥа техниканы көрөргө-истэргэ эбии летчиктэр, техниктэр хамаандаларын тэрийиэххэ наада.
Сахалар дьонтон ордуохпутун наада. 2005 сылтан саҕалаан биир бастакынан тэнийбэтэх моделлаах сөмөлүөттэри арендалаһан барабыт: Ан-140, онтон Бомбардье (ДЭШ-8-400), Суперджет-100, таһаҕас таһар Боинг (Б-575-200).
Ан-140 сөмөлүөтү түөрт “эрэ” устууканы ылабыт. Онтубут аҕыйахта халлааны хайыта суруйаат иккитэ алдьанан турар – сапчааһа суох. Орускуоту ким суотугар саптаралларый? Москубаҕа көтөөччүлэргэ буолбатах, республика иһигэр көтөр дьон билиэтигэр ындыылыыллар. Ол иһин билиэт сыаната бэйдиэ бара турар. Ол абыйдар, аллайыахалар айдааран да тугу гыныахтарай диэн сэнээн эрдэхтэрэ.
Тоҕо итинник сэдэх ааллары атыылаһалларый?
Эппиэтэ биир – ХАРЧЫ буолуон сөп.
Билигин аан дойдуга фармацевтическай хампаанньалар быраастарга биэрэр премиальнай харчыларын сотуохха диэн айдаан тахса турар. Быраастар төһө элбэхтик тустаах фармацевтическай хампаанньа эмин-томун ыарыһахха хадаҕалыыллар, ырысыап суруйаллар да, соччонон элбэх бириэмийэ ылаллар. Бырыһыан туһугар ол эм көдьүүстүүрүгэр-көдьүүстээбэтигэр ким да кыһаллыбат.
Сол курдук, авиастроителлэр кинилэр сөмөлүөттэрин арендаҕа ылар хампаанньалар салалталарыгар бириэмийэ харчыта төлүүллэр диэн этэллэр. Төһөнөн модель сэдэх, соччонон бырыһыан үрдүгэ сэрэйиллэр. Ол иһин даҕаны Украина, Канада сэдэх сөмөлүөттэрэ Саха сирин буулаатахтара.
Манан диэн аҕыннахха, Суперджеты тутар “Сухой” хампаанньа генеральнай дириэктэринэн Михаил Погасян анаммытын кэннэ, армяннар биир дойдулаахтарын өйөөн бу сөмөлүөтү арендаҕа ыла сылдьыбыттара. Онтон орускуотун кыайан уйуммакка төттөрү “Сухойга” төннөрбүттэрэ биллэр. Билигин, Россия сөмөлүөттэри тутар производствотын өйөөрү, бюджетиттэн мэктиэлээн туран “Аэрофлокка” Суперджеттэри арендаҕа бэрдэрбитэ. Бэл, “Аэрофлот” курдук баараҕай хампаанньа Россия судаарыстыбата өйөөбүтүн эрэ кэннэ бу сөмөлүөттэри ылаттаабыта. Оттон “Якутия” АХ баһа балабыай. Баҕар үөһэ салалтатыгар “временщиктыы” өйдөөх-санаалаах дьон элбэҕиттэн биһиги бюджеппитин талбыттарынан дьаһайаллара буолуо. Байан-тайан баран сылаас “сайылыктарыгар” көһүөхтэрэ турдаҕа.
Хампаанньаны соруйан орускуокка тэбии сорох холобурдара
“Якутия” ААО Дириэктэрдэрин Сүбэтэ ыыттарбыт ревизиятын хамыыһыйатын агыгар, биһиги көрөрбүтүнэн, сүрдээх элбэх холуобунай дьыала төрүөттэрэ тиһиллэ сылдьаллар. Аҥаардас таһаҕас таһыытын бэрэбиэркэлээһиҥҥэ ыйын аайы 6,6 мөлүйүөҥҥэ тиийэ хампаанньаны соруйан орускуокка тэбии түбэлтэлэрэ бааллар.
Элбэхтэн биир холобуру аҕаллахха: туох да тендерэ, аукциона суох авиахампаанньа салалтатын быһаарыытынан, таһаҕас таһыыта наар тоҕо эрэ “АЭРОКАРГО” ХЭТ-ҕэ бэриллэр эбит. Сыыспат буоллахпытына, генеральнай директоры солбуйар Павел УДОД уонна “АЭРОКАРГО” чааһынай тэрилтэ дириэктэрэ Александр ШКВАРКО иккиэн Ньурбаҕа биир оскуолаҕа үөрэммит доҕоттор. “Бэйэ” киһитигэр тендерэ-таймата суох сакаас тэбэн биэрии коррупция биир чаҕылхай көстүүтэ буолбатах дуо?
Ити биирэ. Аны, иккиһинэн, “АЭРОКАРГОҕа” “Якутия” таһаҕас таһар Боинг сөмөлүөтүн... бэйэтэ төлүүр сыанатааҕар кыра сыанаҕа арендаҕа биэрэр эбит! Инньэ гынан, финансистар ааҕалларынан, ыйын аайы хампаанньа саамай аччаабыта 6,6 мөлүйүөн орускуоту сүгэр.
Акт туоһулуурунан, “Якутия” АХ сылга 200 чаас көтөрүн иһин Боинг собуотугар - 344 270 550 солкуобайы төлүүр, оттон “АЭРОКАРГОттан” ити сууматтан кыраны - 273 650 000 солкуобайы толуйан ылар эбит. Инньэ гынан, аренда сыанатын араастаһыыта - 70,62 мөл. солкуобайга тэҥнэспит. Оччотугар, хампаанньа сылын аайы 70-ча мөлүйүөн орускуокка тэбиллэ олорбут. Итини таһынан бэрэбиэркэ докумуонугар сурулларынан, таһаҕас таһарга чопчу тариф олохтоммотох, төһө харчы ханна хамсыыра ыйыллыбатах. Билиэт оннугар саарбах соҕус квитанция мунньуллар эбит. Ол иһигэр “сойбут дууһалар” ааттарыттан квитанция баар диэн этэллэр. Күрүөтэ суох хаһаа - коррупция көрүҥэ буолбатах дуо?
Билиэт атыылыырга бириэмийэ - бырыһыан төлөөһүн
Билиэт атыылыыр агенстволар ыһар кумах курдук элбэхтэр. Биллэн турар, бу бизнескэ ылбычча дьон киирбэт. Олоххо көстөрүнэн, авиахампаанньа салалтатыгар чугас эргимтэ билиэт атыытынан дьарыктанар.
Дьиҥинэн, сибээс, интернет сайдыбыт үйэтигэр киһи дьиэтиттэн да тахсыбакка олорон билиэт атыылаһар, регистрацияланар кыахтаах. Билигин бары авиахампаанньалар билиэт атыылыыр самалык тэрилтэлэртэн босхолонорго дьулуһаллар. Биир өттүнэн, билиэт атыылааһын коррупциогеннай бизнес буолан иһэр, иккиһинэн, бу - халтай харчы барааһын. Арай, улахан, транснациональнай хампаанньалар эрэ билиэттэри атыылыыр агенстволары туталлар. Аан дойду практикатыттан көрдөххө, билиэт төһө атыыламмытыттан көрөн хампаанньалар 3% тиийэ эрэ бириэмийэ төлүүллэр, онтон улааппат. Оттон биһиги “Якутиябыт” күн дэлэгэй: агентстволарга 10%-ҥҥа тиийэ бырыһыан төлүү олорор! Билиэт атыылыр бизнескэ кимнээх чугаһыылларын эттибит, аны бу бизнес көрүҥүн дохуотугар ханнык баҕарар банкир ымсыырыан сөп. Таах туохха да улаханнык орускуотурбакка эрэ салгынтан харчы оҥорор бизнес.
Бары билэбит, билиэти атыылыыр “ГАВС РС(Я)” чааһынай тэрилтэ буоларын. Генеральнай дириэктэр Александр СОСНОВСКАЙ 20 сылы быһа республика авиахампаанньаларын моонньугар олорон миллиардынан сууманы эргитэн кэллэ. Экспертэр ааҕалларынан, аҥаардас Саха сиригэр сылга 13 млдр бу бизнескэ эргийэр! Аныгы үйэ сайдыылаах технологиятын кэмигэр уонунан миллиард салгыҥҥа быраҕылла турара сүрдээх буолбатах дуо?! Уонна хантан улууска көтөр сыанабыт чэпчиэҕэй, кимиэхэ эрэ бу орускуоту сүктэриэххэ наада буоллаҕа... Холобур, омук одуруннаахтара хотуларга сүктэрэллэрин курдук.“Якутия” АХ Дьокуускайдааҕар элбэх үлэһити Москубаҕа, Краснодарга тутар
Ааттыын да “Якутия” хампаанньа Саха сирин олохтоохторун интэриэһигэр үлэлиэхтээх этэ. Дьиҥинэн. Ону баара республика иһигэр бас быстар сыанаҕа көтөр, оттон республика таһыгар, өссө атын дойдуларга, куораттарга тиийэн онно олохтоох дьону бэйэтэ орускуокка тэбиллэ-тэбиллэ чэпчэки сыанаҕа таһар хампаанньа, аһара баран, атын дьону үлэнэн хааччыйа олорор!
Авиахампаанньа үлэһиттэрэ бэйэлэрэ кэпсииллэринэн, сүрүн базаланар пуортарынааҕар элбэх штат Москубаҕа уонна Краснодарга туталлар. Кинилэри хамнастаан, социальнай бакыаттаан олороллор. Тугуй бу, Москуба уонна Краснодар олохтоохторун үлэ миэстэтинэн хааччыйаары республика бюджетиттэн өйөнүллэр тэрилтэ дуо?! Бэйэтин базаланар Дьокуускайын пуордун сайыннарбакка, бэйэтин олохтоохторун үлэнэн хааччыйбакка атын регионнар кыһалҕаларын быһаарса сылдьар дуо?! Сатахха, ол Краснодарыттан саатар сибиэһэй фрукта, оҕуруот аһа аҕалан “аччыктаабыт” хоту улуустарга тарҕаппат...
Кэпсииллэринэн, “Якутия” АХ үрдүкү менеджменэ чыыста барыта Хара муора таһыгар коттеджтардаах, виллалардаах. Өссө бас билэр көстүүнэйдээхтэр диэн этэллэр.
“Якутия” АХ миграннарга суолу аһар
Маршрут политиката букатын толкуйдаммакка оҥоһуллар диэн урукку суруйууларбытыгар таарыйан ааспыттаахпыт. Холобур, “Якутия” АХ Иркутскайтан Мюнхеҥҥэ көтөр маршруттаах... Бу кимиэхэ нааданый? Ньиэмэстэр авиахампаанньаларын хаһан баһыйаары сыаналарын түһэрэ-түһэрэ бу маршруты аһалларый?! Аны бу соторутааҕыта Аляскаҕа көтөр буоллулар. Үс пассажирдаах маршрут орускуотун толуммакка омук сирин пуордугар тутуллан айдаан бөҕөтө таҕыста дии! Ама, дохуот-орускуот диэни кыайан суоттаабат дьон бу маршруту аһаллара буолуо дуо? Биһиги саныахпытыгар, бу барыта соруйан анаан хампаанньаны моҥкурууттата сатыыр сыаллаах оҥоһуллар...
“Якутия” АХ, эппиппит курдук, республиканы буолбакка, Россия атын куораттарын, регионнарын олоҕун уйгутун тупсарар. Ону таһынан - Киргизия, Таджикистан, Армения онтон да атын омук дойдуларын кыһалҕатын быһаарса олорор. Бу айылаах миграционнай балаһыанньа дойду үрдүнэн тыйыһыран турар кэмигэр, Дьокуускайга туох да харыыта суох мигрант бөҕөтүн быһа рейстэринэн таста, таһа да турар. Ол иһин Саха сиригэр араас омук үп-үллэҥнэс буоллаҕа! Омуктар Саха сирин түбүлүүллэригэр судургу суолу “Якутия” АХ аста диэн чопчу ыйыахха наада. Суола-ииһэ, айана эрэйдээҕэ, сыаната ыарахана буоллар ханнык омук киһитэ манна талаһыах этэй?!
Сэрии бөҕөтүн ааспыт, наркотрафик дойдуларыттан миграннары таһар тугунан диэлийэн тахсарын эппитинэн-хааммытынан биллибит. Оннук айылаах Орто Азия ырыынагар тахса сатыыр буоллахтарына тоҕо сайдыылаах Казахстаны кытары үлэлээбэттэрий? Казахстан Россияттан тэтимнээхтик сайдар экономикалаах, үрдүк таһымнаах олохтоох, култууралаах судаарыстыба. Киһи үчүгэйгэ талаһыахтаах, сайдыылааҕы батыһыахтаах, оччоҕо эрэ бэйэтэ сайдар-үүнэр кыахтанар. Кимниин бодоруһаҕын да, оннук буолаҕын.
Сэрии бөҕөтүн ааспыт, наркотрафик дойдуларыттан миграннары таһар тугунан диэлийэн тахсарын эппитинэн-хааммытынан биллибит. Оннук айылаах Орто Азия ырыынагар тахса сатыыр буоллахтарына тоҕо сайдыылаах Казахстаны кытары үлэлээбэттэрий? Казахстан Россияттан тэтимнээхтик сайдар экономикалаах, үрдүк таһымнаах олохтоох, култууралаах судаарыстыба. Киһи үчүгэйгэ талаһыахтаах, сайдыылааҕы батыһыахтаах, оччоҕо эрэ бэйэтэ сайдар-үүнэр кыахтанар. Кимниин бодоруһаҕын да, оннук буолаҕын.
Хас биирдии республика бас билиитигэр баар тэрилтэ, хампаанньа, бастатан туран, бэйэтин дьонун, республикатын интэриэһин туһугар үлэлиир ытык эбээһинэстээх. Ыһа-тоҕо, биһиги суоппутугар биһиэхэ куһаҕаны оҥоро сылдьар тэрилтэ үлэтэ-хамнаһа тустаах миниистирдэр, зампредтар өттүлэриттэн тоҕо хонтуруолламматын киһи сөҕөр эрэ.
Авиахампаанньа сир баайын хостуур тэрилтэ буолбатах
Билигин “Якутия” ААО 100 % акциятын Саха республикатын баайга-дуолга министиэристибэтэ бас билэн олорор. 2013 сыл алтынньы 1 күнүгэр СР Президенин ыйааҕынан “Якутия” ААО акциятын 75%-1 акцияҕа диэри хампаанньа туһатыгар эбии эмиссия оҥорон баран приватизацияҕа бэлэмниэхтээхтэр, үс сылынан атыыга тахсыахтаах.
Экономика салаата бэйэ-бэйэтиттэн улахан уратылаах. Билигин “АЛРОСА” акциятын 18 млрд солкуобайга атыылаабыт үөрүүлэригэр, чунуобунньуктарбыт авиахампаанньаны эмиэ миллиардынан суумаҕа атыылаары сиэптэрин тоһуйан олорор буолуохтаахтар. Ол гынан баран, бизнес-бизнес атын-атын сокуоннардаах, маны үөрэхтээхпин диир киһи барыта билиэхтээх этэ. Сир баайын хостуур тэрилтэ уонна авиация ханан да алтыһар өрүттэрэ суох. Горноруднай тэрилтэ актыыбыгар: хампаанньа бэйэтин дьиэтин-уотун, техникатын, технологиятын сыанатын таһынан бас билэр баайдаах сирин чинчиллибит-чинчийиллиэхтээх саппааһа, инфраструктуратын сыаната барыта киирэн туран миллиардынан суумаҕа атыыланар. Оттон авиахампаанньа маршрутуттан ураты бас билэр актыыба да суох. Сөмөлүөттэрэ, пуортара, базалара үксэ арендаҕа тураллар. Буолаары буолан, “Якутия” АХ курдук суоһарыылаах менеджменнээх хампаанньаҕа иэс-күүс соһуллара дэлэлээх буолуо дуо!
“Якутия” АХ республика бюджетэ мэктиэлээх иэһэ-күүһэ 2 млрд кэриҥэ солкуобайга тиийдэ диэн ааҕаллар. Оннук иэстээх-күүстээх, бэйэ иннин эрэ көрүнэр салалталаах тэрилтэни ким атыылаһыаҕай? Атыыластахтарына да миллиардка буолбакка кэпиэйкэҕэ атыылаһыахтара. Ону даҕаны сайыннараары буолбакка – моҥкурууттатаары. Атыыламмыт авиахампаанньалар дьылҕаларын да ылан көрүөххэ ээ, ыраата барбакка - “Дальавианы”, “Владивостокавианы”. “Аэрофлот” балары сайыннараары буолбакка, моҥкурууттатаары эрэ атыыласпыта, оннук да гыммыта. Авиахампаанньа авиахампаанньаны атыылаһар - маршрутун эрэ туһуттан. Ол – авиационнай бизнес сокуона, итини ким да уларытар кыаҕа суох.
Республикаҕа баайы-дуолу салайар министиэристибэ (миниистир Евгения ГРИГОРЬЕВА), тырааныспары дьаһайыахтаах правительство солбуйар бэрэссэдээтэлэ (Анатолий СКРЫБЫКИН), бүтүн тырааныспар министиэристибэтэ (миниистир Семен ВИНОКУРОВ), авиацияны хонтуруоллуохтаах департамент (салайааччыта Александр ТАРАСОВ) бааллар. Бу салайааччылар бары “Якутия” АХ Дириэктэрдэрин Сүбэтин салалтатыгар бааллар. Ол гынан баран, тоҕо эрэ тустаах хампаанньаларын үлэтин-хамнаһын кыайан дьаһайбаттар, маршрут уонна билиэт сыанатын политикатын быһаарсыбаттар. Иһиллэринэн, республика үрдүкү салалтатыгар кэлтэгэй информацияны тиһэ олороллор, дьиҥнээх баар балаһыанньаны тиэрдибэттэр. Тоҕо? Эбэтэр ананыллыбыт каадырдар таһымнара суох дуу, эбэтэр салалтаҕа соруйан быстах информацияны тиэрдэргэ тус интэриэстээхтэр дуу? Хайдах итинник ньүдьу-балай албыннатыахха сөбүй дуу, эбэтэр ньүдьү-балай албынныахха сөбүй дуу?...***
Туйаара НУТЧИНА,
Аартык.ру
Комментарии
Видимо это дело рук людей, которые из вне авиационного сообщества, вчерашние чиновники низшего пошиба, которые возомнили, что понимают что то в производстве и авиации.
А ведь все просто объясняется, это попытка дискредитироват ь руководство Республики, а именно Президента Республики Е.А. Борисова перед приездом высоких авиационных лиц и принятием системных решений.
Не получится, Егор Афанасьевич уже Вам говорил: Не надо заниматься интригами, хватит ходить по коридорам и жаловаться на всех, что не дают работать, занимайтесь делом.
1) надо признать, что у АК Якутия нет перспективы. Причины: количество пассажиров на Севере меньше, чем на европейской части России (оборотных тяг не хватает до необходимого финансового режима); себестоимость авиауслуг всегда будет выше, чем там же.
2) поэтому АК летает там, где пассажиров больше, базируется где дешевле. Но такая политика чревато тем, что она не на всегда. В рыночных условиях существует понятие конкуренция. В конце концов АК по ряду причин не выдержит ее.
3) отсюда следует следующий вывод: АК это амбиция руководства республики и менеджеров АК. Якутия должна отказаться от магистральной авиации! Аэрофлот, Трансаэро и др.АК за счет своих сил и средств благоприятно удовлетворяют спрос населения Якутии на магистральных авиалиниях. Причины понятны, не расшифровываю.
4) слишком много времени упустили, правительство наше, из-за дезинформации горе менеджеров и минтранса поверило, и вложилось достаточно объемными средствами в АК Якутия.
Народ объективно ставит вопрос о высокой стоимости билетов. Необходимо за счет выхода из игры с АК Якутия и разработки реальной программы АК ПАЛ принять решение по снижению стоим.билетов. В срочном порядке необходимо поддержать региональную АК Полярные авиалинии. К слову, руководство АК ПАЛ должно знать образ жизни якутян, не чураться от них, уметь воспринимать постановочные вопросы жителей Якутии, особенно Арктических улусов и оперативно решать их.
Сегодня это самый быстрый турбовинтовой самолет в мире. Отличается большими габаритами, низким уровнем шума и топливной эффективностью, отмечают в авиакомпании. Bombardier Q400: дальность полета — 2532 км; количество пассажирских мест — 72; крейсерская скорость — 660 км/ч."
Нерадько кэлэн ессе улахан самолеттары хадагалаабыт.. Что за х...?? Улахан самолеттары хантан хоту кетуехтрэй?!
Так что "Якутия" или "Полярные авиалинии" должны летать внутри Якутии и возить местное население.