Денис ЕВДОКИМОВ Москватааҕы регионнар  икки ардыларынааҕы транспорт прокуратуратыгар улахан дуоһунаска - Транспорка уонна таможня эйгэтигэр сокуон туоларын хонтуруоллуур управление солбуйар начальнигынан үлэлээбитэ.
Бу саас кини 4.5 мөлүйүөн солкуобайы бэрик ылан тутуллубута. Билигин суут уурааҕа тахсан, ЕВДОКИМОВ 7 сылга күлүүс хаайыытыгар уураахтаммыт уонна сырыһыннара 250 мөл. солкуобайга ыстарааптаммыт диэн иһитиннэрдилэр.
***
Ньурба урукку мээрэ Гаврил ВАСИЛЬЕВ 250-ча солкуобай бэриги ЫЛА СЫСПЫТ диэн дьыала тэриллибитэ, 7 сылга күлүүс хаайыытыгар ууруллубута уонна 14 мөл. солкуобайга ыстарааптаммыта. Москва улахан дуоһунастаах прокурора 4,5 мөл. солкуобай БЭРИГИ ЫЛАР уонна эмиэ ВАСИЛЬЕВ саҕа болдьоххо ууруллар. Туох да диэбит иһин эдэр мээр уурааҕа олус кытаанах. 
Ити биирэ. Иккиһинэн, Вл. Путин кыраныысса таһыттан үбүлэнэр "общественнай" диэн ааттанар тэрилтэлэри кытары улаханнык охсуста. Арҕааҥҥы идеологияны тарҕатар, Россия ис тутулун, норуотун ыһарга дьулуһар омуктары кытары дойду баһылыга  кытаанахтык киирсэр санаата салҕанан бара турар диэн суруйаллар. Саха сиригэр олорор норуоттары иирсиһиннэр информацияны аан бастаан федеральнай портал тарҕатара баар суол. Өскөтүн ЕВДОКИМОВ сайт хаһаайкатын уола эбит буоллаҕына, биир өттүнэн, "ыһар-тоҕор идеологияны тарҕатары" бопсор хампаанньаҕа түбэспит буолуон сөп. Мээнэҕэ даҕаны бу дьыаланы ФСБ аан бастаан силиэстийэлиэ дуо...
***
Аартык.ру