Саха тыла, бастатан туран, Саха республикатын икки государственнай тылларыттан биирдэстэрэ. Сахалыы суукка да, официальнай мунньахха да тыл этэриҥ, сурук суруйарыҥ, дьыала-куолу докумуонун толороруҥ - ХАС БИИРДИИ САХА КИҺИТИН БЫРААБА. Иккиһинэн, РФ сокуонунан, олохтоох норуот төрөөбүт тылынан дьыаланы-куолуну ыытара көҥүл. 
Москубанан-тыанан "нууччалары атаҕастыыр", "ааттаах айдааннаах сахалар" бэйэлэрин төрөөбүт республикаларыгар төрөөбүт тылларынан саҥаралларын, мунньахтыылларын прокуратура бобор эбит.  
Бастакы суут прокуратура үҥсүүтүн олоҕо суоҕунан аахпыт. Ону, биллэн турар, прокурордар бырачыастаабыттар. Иккис суут сэтинньи 2 күнүгэр буолла эрээри, ШАМАЕВТААХ "бэлэммит суох" диэн көһөттөрөн биэрбиттэр. Дьыала көрүллэригэр Дьокуускай куорат прокурора илэ бэйэтинэн кэлбит. Оччотугар Саха общественнай киин дьылҕатыгар прокурордар олохтоохтук орооһорго соруммуттар. 
Юристар этэллэринэн, прокуратура хаста да общественнай организация үлэтигэр-хамнаһыгар  "сыыһаны-халтыны" булар эбит буоллаҕына, бу тэрилтэ сабыллыахтаах.  Ону ситиһэ сырыттахтара. 
СОК уруккутун курдук өрө күүрүүлээхтик үлэлээбэтэр да, "омугумсах сахалар" кистэлэҥ күүстэрин быһыытынан прокурордар харахтарын аала сылдьар эбит. Дойду киинигэр "омугумсуйууга" буруйдуур миитиннэргэ прокуратура хараҕа - балай, оттон ШАМАЕВКА тиийэн - хараҕа көҕөрчү аһыллар эбит. 
Кыһыылаах.
***
Аартык.ру