Оҕо аһылыга, хааһы, бороһуок үүт, бурдук, луук, кэнсиэрбэ Дьокуускайга суох дуо? Тоҕо бас быстар сыанаҕа Москваттан баараҕай сөмөлүөт кэлиэхтээҕий? Республика былааһа бэйэтэ кыайан "хоргуйбут хотутун балаһыанньатын" быһаарар кыаҕа суох дэттэрээри дуо?

2. Бу иннинэ Москваҕа, алтынньы 30 күнүгэр, Краснопресненскай застава болуоссатыгар "көмүс хостооччулар" миитиннэрэ буолар. "Көмүсчүттэр" бастакы миитиннэрэ балаҕан ыйыгар тэриллэ сылдьыбыта. Онно уулуссаҕа тахсыбыт дьон "погоннаах абааһылары" утары плакаттаах тахсыбыттара. Салайааччылара ИДьМ Виктор Кошелев "үчүгэй", атыттар (ол аата биһиги сахалар?!) "куһаҕаттар" диэн интервью биэрбитэ.
Бу сырыыга  "нууччалары баттыыр саха былааһын"  Путиҥҥа үҥсэр ис хоһоонноох плакаттардаах дьон тахсыбыт. Тайҕа "көмүсчүттэрэ" Москваҕа тиийдэхтэринэ эчи дьүһүннүүн да тупсаллар эбит. "Аччык көмүсчүттэр"  биир да түүтэ суохтук кыһамньылаахтык хоруммут сымнаҕас  иэдэстэрэ тэтэрэн олорор. Чэрэ суох этиргэн илиилэригэр "үтүрүллэр нууччалары" көмүскүүргэ ыҥыран плакат туппуттар.
Бирюлеваҕа тахсыбыт айдаан кэнниттэн, омук омукка сыһыанын араастаан күөртүүр кутталланан турар кэмэ. Оттон бу "көмүсчүттэри" биир да уорган тыыппата. Ол аата "режиссердар" Кириэмиллиин кэпсэтиилээхтэр, онтон көҥүллээхтэр?

3. Саха сиригэр "нууччалар үтүрүллэллэрин туһунан" дьаарай хомуньуустар Москватааҕы мунньахтарыгар, "сототугар суруктаах  буордаах бороҕоттор" биистэрин ууһун сыдьаана - Артур АЛЕКСЕЕВ баран үрдүк трибунаттан күөс төлөнүнүнүү тыл ыыппыта. 
Артур АЛЕКСЕЕВ кэнниттэн кыҥыы сытан хаһан эрэ манна үлэлии сылдьыбыт Алексей ЧЕРТКОВ диэн киһи эмиэ "үтүрүллүбүтүн" кэпсиир. Ону үөрэ-көтө "таайдар" сайтара бэчээттии охсор. Нуучча-саха айдааныгар ытаһа буолар адьынаттара, ону күүрдэн-күөртээн биэрэр үгэстэрэ син биир ытыстарын сылыта сытар. 
Ситэриилээх былаас салайааччыта омуктар икки ардыларыгар сыһыаны сатаан хонтуруоллаабат буоллаҕына үлэтиттэн уһүллар диэн соторутааҕыта ыйаах тахсан турар. Ону туһаныы?
***
Ил Дархан быыбара чугаһаата. Саҥа дьыл кэнниттэн уота-күөһэ, буруота-чаана өссө хойдуо диэн сабаҕалыыллар. 2001 сыллааҕы президент быыбарын быһылааннара хатыланыахтара диэн сэрэтэллэр. 
Муҥур дуоһунаска дураһыйааччылар саамай билиҥҥи сыаллара - Егор БОРИСОВ. Аан бастаан кинини туоратар туһуттан бары күүстэр бары холбостулар. БОРИСОВЫ быыбартан туоратарга норуоттарын "националист" оҥорору да кэрэйбэт дьон биһиэхэ наадалар дуо? 
***
Аартык.ру