Сарсыҥҥы сессияҕа бу боппуруос көрүллүөхтээх. АКИМОВ сенатардыы барара эрдэттэн (быыбар инниттэн) биллэрэ диэн кэпсээн баар. Ону таһынан, "бочуоттаах көскө" АКИМОВЫ Ил Дархан быыбарыттан сылтаан утаарбыттар диэн эмиэ сэрэйэллэр.
Тугун-ханныгын да иһин, эһиил сунтаардар иккистээн биир мандаттаах уокурукка Ил Түмэҥҥэ бэрэстэбиитэллэрин талыахтара. Харчы ыскайданар, дьон айманар күнэ эмиэ тириир.
"Ааспыт  сырыыга иккис миэстэни ылбыт Игорь ПАХОМОВ эһиилги быыбарга өссө күүһүн холонон көрүө, быыбарга кыттыа дуо?" - диэн боппуруос үгүс киһини үүйэ-хаайа тутар. 
ПАХОМОВ билиҥҥитэ бэйэтэ да бу ыйытыыга хардарар кыаҕа суох. "Ким билэр, толкуйдана иликпин", - диэн этэр.
Оттон Дьокуускай куорат суутун саалатыгар "Максимов дьыалата" уһуннук-киэҥник көрүллэ турар. Ахсынньы 31 күнүгэр түмүктэнэрэ дуу, суоҕа дуу диэн суут кыттыылаахтара сонньуйаллар.
***
Аартык.ру