Аны туран ханнык эмэ депутаты кытары кэпсэтиэххин баҕардаххына эрдэттэн суругунан уочаракка туруохтааххын: ким ханнык депутаты кытары көрсүөҕүн баҕарарын эрдэ испииһэктээн Ил Түмэн пресс-сулууспатыгар "биллэриэхтээххин". "Испииһэктэммэтэххинэ мунньахтыыр саала холлугар аны киллэрбэттэр", - диэн сулууспа үлэһиттэрэ муос-таас курдук усулуобуйа туруордулар. 
Маннык сорудаҕы ким биэрбитин пресс-сулууспа үлэһиттэриттэн ыйыталаһа сатаатыбыт да, кураанахха буолла. Ким да айаҕынан-муннунан тыыммата. Ил Түмэн 20-ччэ сыл үлэлээбитин тухары парламент үлэтэ дьэҥкэрэрин туруорсар этилэр. Аны кэлэн 21-с сылыгар тыл, санаа көҥүлүн бобуу-хаайыы тахсыбыта дьэ сүрдээх. Обществоттан, норуоттан саһан олорон тугу  бүөмнээн тэрийээри Саҥа Спикер саҥа бэрээдэги олохтоото?!   Эбэтэр "тарҕаныа суохтаах информация тарҕанарын" ханнык депутат "таһаарбытын" сойуолаһар санааттан бу оҥоһулунна дуу?!
***
Аартык.ру