Парламеҥҥа 13 кэмитиэт уонна хамыыһыйа баар:
 

• Контрольный Комитет
• Комитет по государственному строительству и законодательству
• Комитет по вопросам местного самоуправления
• Комитет по бюджету, финансам, налоговой и ценовой политике, вопросам собственности и приватизации
• Комитет по экономической, инвестиционной и промышленной политике, предпринимательству и туризму
• Комитет по здравоохранению, социальной защите, труду и занятости
• Комитет по аграрной политике и селу
• Комитет по земельным отношениям, природным ресурсам и экологии
• Комитет по науке, образованию, культуре и средствам массовой информации
• Комитет по делам семьи, детства, молодежи, физической культуре и спорту
• Комитет по проблемам Арктики и коренных малочисленных народов Севера
• Комитет по строительству и жилищно-коммунальному хозяйству
• Мандатная и регламентная Комиссия

Бу кэмитиэт председателлэрин таҥар "кистэлэҥ"  үлэ бара турар. Төһө да Сокуону оҥорор былаас уонна  Ситэриилээх былаас, сокуон быһыытынан, бэйэ-бэйэлэриттэн туспа үлэлээх-хамнастаах былаас салаалара буолуохтаахтар этэ да, биһиги дойдубутугар оннук ирдэбил олоххо киириэ ыраах. Онон талыллыбыт саҕа санаммыт Ил Түмэн спикерэ Александр ЖИРКОВ уонна СР президенэ Егор БОРИСОВ иккиэн кэмитиэттэр председателлэрин сыымайдыы сылдьаллара биллэр. Бу икки киһи сөбүлэҥин ылбыт "дьоллоох дьокутаат" хамнастаах үлэҕэ тиксиэҕэ - кэмитиэттэри салайар чиэскэ тииһиниэҕэ.
Эрдэтээҥҥи мунньахтарга депутаттар бастакы сессияҕа спикери, вице-спикери сэргэ кэмитиэттэр, хамыыһыйалар председателлэрин талан кэбиһэр эбит буоллахтарына, бу  сырыыга алтынньы 2 күнүгэр депутаттар спикери, вице-спикери, секретариаты эрэ талыахтара. Ол аата парламент каадырын боппуруоһа ситэри бигэргэтиллэ илик буолан тахсар.
Биллэн турар, фракциялар бары ханнык эмэ кэмитиэккэ тииһиниэхтэрин баҕараллар. Ол гынан баран, "ньыгыллар" биири эмэ ыһыкталлара биллибэт диэн Ил Түмэн уораҕайын иһигэр үлэлиир киһи саарбахтыыр.
"ЕР" депутаттара бэйэлэрин истэригэр кэмитиэттэри былдьаһа сылдьаллара иһиллэр. Холобур, Наука, үөрэхтээһин, култуура уонна СМИ кэмитиэтигэр икки "ньыгыл" депутата дураһыйа сылдьар. Евгения МИХАЙЛОВА бэйэтин киһитин - ХИФУ Пединститутун дириэктэрин Антонина ГРИГОРЬЕВАНЫ (Ньурба биир мандаттаах уокуруга) киллэриэн баҕарар. Биир өттүнэн, МИХАЙЛОВА иллэрээ сыллааҕыттан ыла ГРИГОРЬЕВАНЫ дириэктэриттэн уһула сатыыр диэн этэллэр. Өскөтүн ГРИГОРЬЕВА "кэмитиэккэ бардаҕына" үлэтиттэн уурайар - Исаевна баҕата туолар. Иккиһинэн, МИХАЙЛОВА бэйэтэ кэмитиэккэ солбуйар председателинэн киирэн баран барытын хонтуруоллуур баҕалааҕа биллэр. 
Бу кэмитиэккэ эмиэ биир претендент баар, ол - Алексей ЕРЕМЕЕВ (Нам уокуругуттан "ньыгыллар" испииһэктэрэ). Итини таһынан, ЕРЕМЕЕВЫ "ньыгыллар"  Доруобуйа, социальнай харыстабыл, үлэ уонна дьарыктаах буолуу  кэмитиэтин председателин дуоһунаһыгар бэлэмнииллэр диэн баар. Оттон бу кэмитиэккэ "эсердэр" бэйэлэрин хирург-быраастарын - Жанна ЕГОРОВАНЫ көрүөн баҕараллар.  
Тутууга уонна ОДьКХ кэмитиэтигэр ким председатель буолара эмиэ эрдэттэн биллэр диэн кэпсииллэр. Ол киһинэн "ньыгыл" - Александр РОМАНОВ (Мэҥэ Хаҥалас биир мандаттаах уокуруга) буолар. РОМАНОВ бу иннинэ СР тутууга, архитектураҕа солбуйар миниистиринэн үлэлээбитэ.
Хотугу кэмитиэти "ньыгыл" депутакка Елена  ГОЛОМАРЕВАҔА биэриэхтэхтэрин туһунан кэпсэтии уруккуттан баар.
Александр УАРОВ, спикер табаарыһа киһи буоларын быһыытынан, урукку миэстэтигэр - Бюджеккэ хаалыахтаах. Өссө биир оннуттан хамсаабат председателинэн Ольга МАКИЕНКО ааттанар. Кини ааспыт сырыыга Государственнай тутуу уонна сокуону оҥоруу кэмитиэтин салайбыта.    

***
Аартык.ру