Биллэрин курдук, ГРИГОРЬЕВА ХИФУ пединститутун дириэктэрэ.  ПРОКОПЬЕВ улуус урукку баһылыга, Ил Түмэн 2-с мунньаҕар эмиэ дойдутуттан талыллан депутаттыы сылдьыбыта. Улууска бэйэтин кэнниттэн "ньыгыл" фракциятын оройуон сүбэтин спикеринэн үлэлиир Сергей ЕВСЕЕВЫ хааллара сатаабыта табыллыбатаҕа. ЕВСЕЕВ оннугар "эсер" Борис ПОПОВ талыллыбыта. Ити "ньыгыллар" хотторууларыгар буруйданан дииллэр, ПРОКОПЬЕВ эстэн эрэр туруктаах "Центрлескэ" генеральнай дириэктэринэн анаммыта. Дьиҥинэн, ЕВСЕЕВ хоппута буоллар ПРОКОПЬЕВ правительствоҕа киириэхтээҕэ диэн кэпсиир дьон баар.
ПРОКОПЬЕВ бу сырыыга "ньыгыллар" испииһэктэринэн парламеҥҥа ааста. Хамаандатын дьоно этэллэринэн, Владимир Михайлович икки-хас сылынан ситэриилээх былааска тахсыахтаах, кини оннугар депутат мандата Ыччат парламенын спикеригэр Николай ФОМИҤҤА тиксиэхтээх.  
Оттон "эсердэртэн" депутат мандатын ылбыт Ньурба куорат мээрэ билигин сууттанан баран ааһына сылдьар. Хаһан сууттаһан бүтэрэ биллибэт. Партияҕа чугас дьон кэпсииринэн, өтөрүнэн буруйуттан босхолоноро да саарбахтаах. Оччотугар мандат кини кэнниттэн испииһэккэ турбут киһиэхэ сыҕарыйан биэриэхтээх. 
Оттон коммунистартан парламеҥҥа киирэр дьолломмут Иннокентий Давыдовыч ВАСИЛЬЕВ туһунан улахан информация суох. Арай, кини Ньурбаҕа Сунтаартан күтүөт эрэ диэн биллэр. 
Ньурбалар "бэйэлэрин депутаттарын" суотугар Ньурбаттан төрүттээх Юрий НИКОЛАЕВЫ (ЕР, Бүлүү ГЭС, Айхал) эмиэ суруналлар. НИКОЛАЕВ Ил Түмэҥҥэ урут эмиэ депутаттыы сылдьыбыт уопуттаах.  Төһө да элбэх киһи бу улуустан Ил Түмэҥҥэ аастар, ахсаан хаачыстыбатыгар кубулуйуо дуо? Партиянан арахсан киллиргэтиһэ сылдьаллара дуу...
***
Сунтаартан бэйэтиттэн үс киһи парлмаҥҥа ааспытын эппиппит. Кинилэргэ төрдүс киһинэн Матвей ЕВСЕЕВТАРА Өлүөхүмэттэн эбиллэн биэрэр. 

***
Аартык.ру