- Семен Маркелович, Виктория Габышева "Главе все дозволено?" ыстатыйатын аахтыгыт?
- Ааҕан, копиялаан баран Дьокуускайтан ыыппыттара. 
- Уонна тугу эмэ хардараҕыт дуу?
- Ыстатыйаҕа Юрий Степанов аатын көрөөт да, тыал хантан үрэрин биллим.
- Хантан эбитий?
- Ити  киһи уруккута прокурор. Хаһан эрэ,  дьаһалтаҕа үлэлии сырыттаҕына мин уураппытым. Саастаах киһи сынньаннын диэн. Онтум уурайан баран миэхэ "иэстэһиэм" диэн сааммыта. Ол онтун толоро сылдьар. Ыйын ахсын прокуратура, СК, Роспотребнадзор миигин бэрэбиэркэлээн тахсар. Уонна барыта Степанов сайабылыанньатынан. 
- Служебнай дьиэни бэйэҕэр ыла сатаабытыҥ дуу?
- Служебнай дьиэни хайдах ылыахпыный, ааттыын да служебнай буоллаҕа. Уонна ол дьиэ 1938 сыллааҕы тутуу. Муостатын анныгар уулаах сытар, оһохпут ыһыллан бүттэ...
- Ама, улуус баһылыга киһи оннук дьиэҕэ олороҕун дуо?
- Оттон служебнай дьиэ буоллаҕа... Акылаатын эҥин уларыта сылдьабыт. 
- Массыынаны итирик сылдьан түҥнэрбит диэн баар.
- Массыына түҥнэстибитэ. Ол гынан баран итирик буолбатах этим. Видеоҕа ити мин буолбатах! Букатын атын киһи! 
- Массыына тоҕо түҥнэстэрий?
- Суол алдьаммыт этэ. Ол иһин. Массыына крылота кыратык хомулуйбута. 
- "Аартык.руга" информция киирбитэ дии, ФЕДУЛОВ быыбар иннинээҕи хампаанньатын Ил Дархан быыбарын кыҥаан ыытар диэн. 
- Ити ким эһиэхэ итинник сураҕы кэпсиирий?! Олох сымыйа! Дьон Ил Дархан диэн тылы билбэт даҕаны. Президент дэммитэ эбитэ буоллар... Ити барыта "хара пиар". Степанов бэйэтэ кэлии киһи.
- Хантан?
- Сунтаартан.
- Аанньаахха бары Сунтаар көһөн кэлбит дуу, туох дуу...
- Ыаллыы сытар улуустарбыт. Элбэх күтүөт, кийиит баар. Уопсайынан, биһиэхэ элбэх кэлии киһи баар. Новосибирскайтан, Иркутскайтан, онтон-мантан... Иллээхтик олорбуппут. Онтон ити кэлин араартааһын барда. Соруйан дии саныыбын.
- Матвей Евсеевтыын биир штабтаахтар диэбиттэрэ.
- Суох атын-атын штабтаахпыт. Ити эмиэ биһиги икки ардыбытыгар уонна Президент икки ардыгар иирсиһиннэрэ сатааһын... Мин наһаа онтон хомойобун. Миигин ити араас сымыйа сурахтар үөрдүбэттэр.
- Сымыйа буоллаҕына тоҕо сууттаспаккын?
- Онно эмиэ харчы наада, бириэмэ наада. Адвокаттар сыаналара сүрдээх үһү дии. Бу от үгэнэ, кыстыкка бэлэмнэниэхэ наада. Быыбары күһүн оҥорбуттара олус куһаҕан. Агитацияны ходуһаларга ыытыахха наада... эрэй. Бу тоҕо ыйытаҕытый? Ханна таһаараҕытый, ханна булан көрөбүнүй?
- "Аартык.ру". 
- Ээ, сөп. Мин санаабын эмиэ таһаарыахтаах буоллаххыт дии. Хайа мэлдьи биир эрэ өттүн таһаарыаххытый... Бириэмэм олох суох ээ.
***
Аартык.ру