Биир кэлим государственнай экзамен Саха сиригэр  2001 сыллаахха эксперимент быһыытынан ыытыллыбыта. Оччолорго туох баар саҥа реформа Саха сирин үөрэҕириитигэр аан бастааҥҥынан боруобаланара. Онно "өҥөлөөх" киһинэн Евгения Исаевна МИХАЙЛОВА буолар. Чуолаан кини СР Үөрэҕин миниистиринэн олорон  элбэх уопуту ыыттарбыта.
ЕГЭни утарар дьон элбэх. Улахан  кылаастарга оҕолор билиини буолбакка,  ЕГЭни хайдах эмэ туттарарга эрэ анаан үөрэнэн тахсаллар.
Быйылгы ЕГЭ түмүгэ Саха сиригэр мөлтөх. Онон балл намыһаҕынан үрдүк үөрэххэ киирии ахсаана түстэ. 
МИХАЙЛОВА эксперименнээн киллэрбит экзаменын содулугар, билигин  ХИФУга туттарсар оҕо ахсаана быстар аҕыйаата. Сорох идэлэр кураанах кэриэтэ тураллар. Ол иһин, "фундаментальнай химия" отделениетыгар ректор стипендияны икки төгүл үрдэтэр дьаһалы ылбыт. Быйылгы үөрэх дьылыттан устудьуоннар ортотунан 8 тыһ. солк. курдугу ылар буолуохтара.
***
Аартык.ру