ФЕДУЛОВЫ Ил Түмэн депутата Евсей МАТВЕЕВ иккистээн улуус баһылыгар кытыннаран эрэр. Ол иннинэ Аанньааҕы ЕВСЕЕВ биир дойдулааҕа - Виктор ОМУКОВ  салайбыта.
Бу сырыыга 4 киһи улуус баһылыгын депутатыгар кандидатуратын туруорда: Семен ФЕДУЛОВ (билиҥҥи баһылык, "ньыгыл"), Елизавета СИДОРОВА ("ГП" олохтоох салаатын сэкиритээрэ), Сергей АЛЕКСЕЕВ (КПРФ чилиэнэ),  Дмитрий МАКОВЕЕВ ("Меркурий" ХЭТ дириэктэрэ).
МАКОВЕЕВ быһаас "ньыгыллар" Ил Түмэҥҥэ ыыппыт  праймеризтэригэр кыттыбыта. Улуус баһылыгар "бэйэтэ кыттар" диэн эрээри, "ньыгыллар" Ил Түмэн испииһэктэригэр төрдүс киһинэн аата сылдьар.
Сокуон быһыытынан, муниципальнай таһымнаах быыбарга докумуону от ыйын 26-гар диэри туталлар, регистрация 29-нан бүтүөхтээх.
Өлүөхүмэ улууһугар бэһис кандидат баар буолуох курдук. Ол - Максим Семенович САФОНОВ, "СР ОДьКХ" ГУТ специалиһа, Өлүөхүмэттэн төрүттээх.
"Аартык.ру" САФОНОВКА төлөппүөннээн сонун-нуомас төһө олохтооҕун сураста. Онуоха Максим Семенович:
- ...Буолуон сөп. Билигин мин Халымаҕа сылдьабын. Кэллэхпинэ кэпсэтии түмүгэ биллиэхтээх.
- Ким эйиэхэ быыбарга кытын диэн этии киллэрдэ?
- ...
- Правительство иһиттэн?
- Оннук. 
- Кэргэниҥ хантан төрүттээҕий, Чурапчы диэбиттэрэ дии, кырдьык дуо?
- Кырдьык. 
***
Аартык.ру