Сүрүн киирсии "Биир ньыгыл Арассыыйа" уонна "Сиэрдээх Арассыыйа" икки ардыгар барыахтаах. 
"Ньыгыллар" испииһэктэрин улуус урукку баһылыга, билиҥҥитэ "Центрлес" генеральнай дириэктэрэ Владимир ПРОКОПЬЕВ (1961 с. төр., Чаппандаттан төрүттээх) саҕалыыр. Кини кэнниттэн "Ыччат парламенын" спикерэ 32 саастаах Николай ФОМИН (Күндээдэҕэ төрөөбүтэ) кэлэр. Онтон Антон ЩУКА (Ньурбаҕа төрөөбүт, онно олорор, 1985 с.төр.) "Аэропорты Севера" ФКУ порт  авиационнай куттала суох буоларын хааччыйар сулууспа начальнига. 
"Сиэрдээхтэри" баһылаан-көһүлээн илдьэ сылдьар - Гаврил ВАСИЛЬЕВ, 1977 с.төр., Антоновка олохтооҕо, Ньурба куорат мээрэ, билигин бэриккэ уорбаланан хаалла сытар. Онтон иккис нүөмэринэн - Юрий ГРИГОРЬЕВ диэн киһи сылдьар. Кини 1969 с.төр., Дьокуускайга олорор, "Новация" диэн ХЭТ генеральнай дириэктэрэ. Марианна АЛЕКСЕЕВА - 1968 с.төр., 1-кы Хаҥаласка төрөөбүт, билигин Антоновкаҕа олорор. "Арчы" социальнай-реабилитационнай киин дириэктэрэ. Төрдүс киһинэн биир мандатка киирсэр киһи - Анатолий НИКОЛАЕВ, "Сир" киин хампаанньа" ААО генеральнай дириэктэрэ. 
Анатолий НИКОЛАЕВ "сиэрдээхтэр" испииһэктэригэр киирбитин маннык быһаарар: "Бэйэм ханнык да партия чилиэнэ буолбатахпын. Сүрдээх кытаанах киирсии буолар, онон биир мандаттаах быыбарга араастаан юридическай ньыманан олуйан миигин туората сатыахтара диэн "сиэрдээхтэр" партияларын испииһэгэр эмиэ киирдим", - диир.
Санатар эбит буоллахха, Анатолий НИКОЛАЕВ Ньурбаҕа биир мандаттаах уокурукка сүрүн кандидат. "Ньыгыл" байыаһа  Антонина ГРИГОРЬЕВА ааспыт Ньурба куоратын мээрин быыбарыгар хас да кандидаты суукка үҥсэн уһултарбыт юриһы наймылаан үлэлэтэ сылдьар сураҕа иһиллэр. Сууттаһа үөрүйэх юрист бу да сырыыга сөбүлээн туттар ньыматын НИКОЛАЕВКА боруобалыаҕа дии саныыбыт. НИКОЛАЕВ даҕаны "Сир" хампаанньатын правовой отдела олус кыахтаах, туох баар дьыалабыай кэпсэтиилэри барытын быһаарар билиилээх юристардаах диэн информация баар.
***
Ити үөһэ ахтыллыбыт партиялартан ураты "карлик" партиялар элбэхтэр. Бу партиялар бары даҕаны "ньыгыллар" туруорбут дьоҕус партиялара. Билиҥҥи быыбарга "карлик" партиялар хомуйбут куоластарын бырыһыана "Биир ньыгыл Арассыыйа" туһатыгар ааҕыллыахтара. 
***
Аартык.ру