"Гражданскай платформа" партия аатыттан Мииринэй уокуругуттан Ил Түмэн быыбарыгар кыттыахтаах Мэхээлэ Ылдьыыс ЭЭБИРИСТЭБИ СР Үрдүкү суутун быһаарыытынан, "докумуона ситэтэ суох" диэн сылтаан кандидатуратын регистрациялыырга аккаастаатылар. Дьыаланы  судьуйа ДМИТРИЕВА көрбүт.
ЭЭБИРИСТЭП бэйэтэ этэринэн, биэс төрүөккэ олоҕуран Үрдүкү суукка үҥсүү киирбит:
1. Финансовай отчуот туттарыллыбатах диэн (Ылдьыыс туттарбытым диир).
2. Дохуот чопчу туохтан киирбитэ ыйыллыбатах (Ылдьыыс "кэпиэйкэтигэр тиийэ ыйбытым" диир).
3. Москва куоракка бастайааннай массыына-миэстэлээх, онтун кв м чопчу эппэтэх (Ылдьыыс эппитим диир). 
4. Мииринэйдээҕи уокуруктан биир мандаттаах быыбарга кыттабын диэн сайабылыанньа суруйбатах диэн (Ылдьыыс суруйбутум диир).
3. "Гражданскай платформа" олохтоох региональнай салаатын конференцията М.И.Эверстовы партия аатыттан кыттарыгар суругунан көҥүл биэрбэтэх диэн.
Ылдьыыс буоллаҕына, "ГП" Устаабыгар сурулларынан ким быыбарга кыттарын-кыттыбатын барытын Москваҕа баар партия киин аппарата соҕотохтуу быһаарар. "ГП" атын партиялар  (ЕР, ЛДПР, КПРФ) курдук ньыманан  үлэлээбэт диир. "ГП" юристара биир ый иһинэн ЭЭБИРИСТЭПТЭРИН быыбар биэтэгэр төнүннэриэхтээхтэр." РФ Үрдүкү суутугар ааһыныы түһэриэхпит", - диэн Ылдьыыс этэр. "Ол кэнниттэн быыбар агитациятыгар букатын аҕыйах кэм хаалар. Көрөөр да, истээр ол кэнниттэн атын төрүөт булан, холобур, агитатор ким эрэ ИВАНОВКА фондатыттан буолбакка атын сиртэн харчы биэрбит эҥин диэн сууттаһыахтара. Бу барыта Егор БОРИСОВ тус сорудаҕынан оҥоһуллар сойуолааһын. Хайыахпытый, өлөүхпүтүгэр диэри өстөһөрбүтүгэр тиийэбитн", - диэн Ылдьыыс кыйаханар.
Кини этэринэн, Мииринэйгэ бээһэ эрэ дьону көрсөн кэпсэтэ сылдьыбытыгар: "Бары "ураа" хаһыы бөҕөтө буолбуттара. Миигиттэн ураты талар да киһилэрэ суох этэ, мин кыайыахтаах этим!" - диир.
***
"Аартык.ру" ырытааччылара эрдэ сылыктаабыттарын курдук, быйылгы быыбарга утарылаһааччылары туоратарга хаһааҥҥытааҕар да элбэх суут, юрист үлэтэ көстүөҕэ. Ол биир улахан сиэртибэтинэн Мэхээлэ ЭЭБИРИСТЭП буолла.
Санаттахха, бу иннинэ  "ГП" биэс чилиэнэ бэлиэр "ньыгылтан" кыайан тахсыбакка Ил Түмэн быыбарыгар кыттар бырааптара сарбыллыбыта. Ол иһигэр Михаил ПАН уонна Аскалон ПАВЛОВ.
***
Аартык.ру