- Икки үлэһиттээхпин. Үрэх кэтитэ 7 м. Уу наар кэлэ-түһэ турар. Онон муоста хайдах да тутар кыахпыт суох. Уу кэлэн илдьэ баран хаалар. Айылҕаны утары хайдах охсуһуохпутуй?
- Оттон олохтоох улахан муоста буолбакка эрэ, дьоҕус көһөрө сылдьар далаһа ууруллара сатаммат дуо?
- Икки эрэ үлэһиттээхпин. 7 м уһуннаах далаһаны икки киһи хайдах сосуһа сылдьыай!
- Быһылаан кэмигэр баарыҥ дуу?
- Баар этим.
- Төрөппүттэри кытары кэпсэппиккит?
- Суох. Туоруур бэрэбинэлэри сааһыласпытым дии...
- Үлэһиттэргин "холуочук этилэр" дииллэр.
- Суох, сынньанааччылар итирик этилэр. Хоно сытан арыгылыыллар-хайыыллар...
- Бэрээдэги кыайан хонтуруоллаабат буоллаххытына хоннорор булгуччулаах дуо? 
- Хоно кэлбит дьону хайдах үүртэлиэхпитий. Кыахпыт тиийбэт.
- Оччоҕо эһиги тугу гынаҕытый?
- Бөхтөрүн хомуйабыт, нэдиэлэҕэ биирдэ массыынанан тиэйэн сыбаалкаҕа таһаарабыт, баһаар тахсыбатын диэн көрөбүт-истэбит.
***
Аартык.ру