Валерий ЛУКОВЦЕВ быыбарга кыттыбат буолбут
Пятница, 12 Июля 2013 15:47
"Сомоҕолоһуу" общественнай хамсааһын лидерэ, СР Общественнай палататын чилиэнэ, "Бичик" национальнай кинигэ кыһатын кылаабынай редактора Валерий ЛУКОВЦЕВ Ил Түмэн депутатыгар кандидат быһыытынан быыбарга кыттар былааннааҕын туһунан ааспыт ыйга "Аартык.руга" кэпсээн аһарбыттааҕа.
Ол гынан баран кэлиҥҥи информациянан, Валерий Николаевич быыбарга кыттыбат буолбут. Бастааҥҥы сонунунан, ЛУКОВЦЕВ "Арассыыйа аграрнай партиятыттан" быыбарга холонон көрүөхтээҕэ. Аграрнайдар салайааччылара Николай ПОПОВУ (СР ТХ уонна аска-үөлгэ миниистирин 1-кы солбуйааччыта) кытары биир тыл булар кыаллыбатах быһыылаах, ЛУКОВЦЕВ быыбарга кыттар баҕата туолбатах.
Хомолтолоох. Биллэр-көстөр общественник парламеҥҥа туһалаах буолуох этэ.
***
Нарыйа САВВИНОВА,
Аартык.ру
Комментарии