- Наһаа да эрэйдээтилэр, сотору-сотору итинник ыйыталлар. СУОХ, ТАХСЫБАТЫМ! 
- Оччоҕо дьон туохтан сылтаан итинник сураҕы тарҕатта?
- Курашовтааҕы уокурук партийнай ячейкэтин сэкиритээрэ этим. Ону муниципальнай дуоһунаска анаммыппынан сибээстээн сэкиритээрбиттэн босхолооҥ диэн сайабылыанньа суруйбутум. Ити бастакыта. Иккиһинэн, Лермонтовскай уокурукка праймеризкэ кыттан иккис буолбутум. Партия Гордумаҕа кыттар испииһэгин кыайбыт киһи Андрей БЕССОНОВ баһылыахтыых. Мин бу испииһэктэн миигин букатын таһаарыҥ уонна мин оннубар праймеризкэ төрдүс буолбут  Андрей КОПЫЛОВЫ киллэриҥ диэн сайабылыанньа суруйбутум. Ити икки сайабылыанньаттан сылтаан миигин партияттан
букатын тахсыбыт диэн сурах тарҕаммыт. Оннук буолбатах - партияттан тахсар санаам суох.
- Айаал Семенович, быыбарга самовыдвиженец быһыытынан киирсибэккин дуо? Элбэх "ньыгыл" байыаһа партията суох бэйэлэрэ кыттаары сылдьаллар дии.
- Суох. Быыбарга билиҥҥи санаабынан кыттар баҕам суох. Улахан туох эмэ уларыйыы таҕыстаҕына баҕар кыттар буолан хаалыахпын сөп. Ол гынан баран билиҥҥи туругунан суох. 
***
Санатар эбит буоллахха, Дьокуускай куорат дьаһалтатын баһылыга Айсен НИКОЛАЕВ дьаһалынан, муус устар 8 күнүгэр, Айаал БУРЦЕВ "Специализированное монтажное эксплуатационное предприятие" муниципальнай унитарнай тэрилтэ дириэктэринэн анаммыта.
...Туох да бюджетэ суох тэрилтэҕэ дириэктэринэн анааһын кэтэх санааттан таҕыстаҕа.
***
Федор ПРОКОПЬЕВ,
Аартык.ру