"Аартык.ру" Галина Алексеевна БОЧКАРЕВАТТАН интервью ылла, билигин сурукка тиһэн бэлэмнии сылдьабыт. Галина Алексеевнаҕа бэриллибит боппуруостар, биир идэлээхтэрбит ортотугар элбэхтик мөккүһүллүбүт тиэмэлэр.  Галина Алексеевна хардатын уонна санаатын сиһилии билиһиннэриэхпит. Оттон билигин интервьюттан быһа тардыыны бэчээттиибит:
"- Галина Алексеевна, эн эрдэ этэн турардааххын, иккис болдьоххо үлэлиир былааным суох этэ диэн...
- Кырдьык, оннук саныы сылдьыбытым. Дьахтар киһи быһыытынан наҕылыйан дьэ бэйэбин көрүнүөм, йоганан дьарыктаныам, бэйэм сөбүлүүрбүнэн сынньаныам, сылдьыам дии санаабытым... Онтум баара...
- Тугуй?
- "Суох тураҕын, хайдах буоллуҥ, үлэлээбиппит курдук үлэлиэхпит, атын кандидатурабыт да суох!" - диэн эппиттэригэр, мин сөбүлэһэн, дьоҥҥо барытыгар этэн, Москубаҕа тиийэн РФ Суруналыыстарын сойуустарын салалтатыгар иһитиннэрэн, дьэ салгыы үлэлиибин диэн быһаарыммытын. Киһи бөҕөтүн хамсаппытын кэннэ... биир үтүө күн Филипп Петрович (Пестряков - аапт.) ыҥыран ылан баран: "Быыбарга кандидатураҕын туруорума, эн оннугар атын киһи турар буолла, наҕараадата ыл", - диэтэ. Соһуйан эрэ хааллым!  Өскөтүн хара маҥнайгыттан "тохтоо" диэн эппиттэрэ буоллар, мин "тохтуурга" санана сылдьыбыт киһи "тохтуом" этэ буоллаҕа! Ону баара бээтинсэҕэ "кыттаҕын" диэн илии тутуһан бөҕө буолаллар, бэнидиэнньиккэ кэлбиппэр "бар" дии олороллор!
- Эн тускар "левиннэр" тоҕо наһаа кыһалыннылар, бэйэлэринэн аҕытаассыйалаатылар? 
- Леонид Ирмович эппитэ дии: "Бочкареваны мин дьүөгэм да, табаарыһым да буолбатах, быһаччы кини үлэһитин, бу дуоһунаска олорон элбэҕи оҥорбутун эрэ билэбин" диэн. Мин Левиннэртэн тугу да туһаммаппын, кинилэр да миигиттэн тугу да туһаналлара суох!
- Толкуйдаан көрдөххө?"
***
Галина БОЧКАРЕВА атын да ыйытыыларга хоруйдарын кэнники соҕус билиһиннэриэхпит. 
***
Аартык.ру